ބާސެލޯނާ އަށް މައްސަލަތަކެއް ކުރިމަތިވެފައިވާތީ އެކަމާއި ހިތްހަމަޖެހޭ ކަމަށް ރެއާލް މެޑްރިޑްގެ ޑިފެންޑަރު ސާޖިއޯ ރާމޮސް ބުނެފިއެވެ.
ރާމޯސް ބުނެފައިވާ ގޮތުގައި، ބާސެލޯނާގެ ކަންކަން ރަނގަޅަށް ނުދާތީ މި ދަނޑިވަޅުގައި އޭނާއަށް އެކަން ވަރަށް ކަމުދާ ކަމަށާއި އެއީ އޭގެ ސަބަބުން ރެއާލް އަށް ފައިސާ ވާތީ ކަމަށެވެ.
"ބާސެލޯނާގައި ކަންކަން ރަނގަޅަށް ނުދާ މި ދަނޑިވަޅު އަހަންނަށް ކަމުދޭ. އަހަންނަށް އެކަން ކަމުދަނީ އަހަރެމެންނަށް ފައިދާ ވާތީ،"
މީގެ އިތުރުން ރާމޯސް ބުނެފައިވާ ގޮތުގައި އެއްވެސް މީހަކަށް ދެރަ ގޮތެއް ވުމަށް ނޭދޭ ކަމަށާއި އެހެން ނަމަވެސް ބާސެލޯނާއަށް ކުރިމަތިވެފައިވާ، އުނދަގޫތައް ކަމުދަނީ ކުޅިވަރު ސަބަބުތަކަށް ޓަކައި ކަމަށެވެ.
" އަހަންނަށް ބާސެލޯނާ އަށް ކުރިމަތިވެފައިވާ އުނދަގޫތައް ކަމުދަނީ ކުޅިވަރު ސަބަބުތަކަށްޓަކައި. ބާސެލޯނާ އަށް ނުރަނގަޅު ހުރިހާ ކަމަކީ ރެއާލް މެޑްރިޑަށް ރަނގަޅު ކަންކަން،" އޭނާ ބުންޏެވެ.
ރާމޯސް ބުނެފައިވާ ގޮތުގައި ބާސެލޯނާ އަށް މައްސަލަތައް ކުރިމަތިވާން ފެށީ ލީގުގައި ރެއާލް މެޑްރިޑް އަތުން 2-1 އަކުން ބަލިވުމަށް ފަހުގައެވެ.
މަސްދަރު: ގޯލް.ކޮމް