ޕީއެސްއެމްއިން ބާއްވާ ކުޑަކުދިންގެ ގުރުއާން މުބާރާތުގެ އައްޑޫ އޮޑިޝަން ފަށައިފިއެވެ.
އައްޑޫ ހައިސްކޫލްގައި ކުރިއަށްގެންދާ މި އޮޑިޝަންގައި 5 އަހަރާއި 13 އަހަރާއި ދެމެދުގެ އުމުރުފުރައިން ބަލައިގެން ކިޔެވުމާއި، ނުބަލާ ކިއޔުމުގެ ބައިން ކުދިން ނެގުމަށް ވަނީ ހަމަޖެހިފައެވެ.
މައުލޫމާތު ލިބިފައިވާ ގޮތުގައި އައްޑޫގެ އޮޑިޝަންގެ ތެރެއިން އެންމެ މޮޅު 50 ބައިވެރިން ނެގުމަށް މިައދު ހެނދުނު އޮޑިޝަން ކުރިއަށްގެންދާނެއެވެ.
ޕީއެސްއެމް ގުރުއާން މުބާރާތުގައި ޖުމްލަ 700 ދަރިވަރުން ބައިވެރިކުރާއިރު އޭގެ ތެރެއިން 500 ދަރިވަރުން ނަގަނީ މާލޭގެ ސްކޫލްތަކުންނެވެ. ބާކީ 200 ދަނރިވަރުން ނެގުމަށް އަތޮޅު ތެރޭގައި ޕީއެސްއެމްއިން ދަނީ އޮޑިޝަން ބާއްވަމުންނެވެ.