އިނގިރޭސިވިލާތުގެ މެންޗެސްޓާ ޔުނައިޓެޑްގެ ހޯމް ދަނޑު، އޯލްޑް ޓްރެފޯޑްގައި ގޮވާޒާތުގެ އެއްޗެއް ކަމަށް ބެލެވޭ ޕެކޭޖެއް ފެނިގެން މިރޭ ޔުނައިޓެޑް އަދި ބޯންމައުތް ކުޅެން ހަމަޖެހިފައިއޮތް މެޗު ފަސްކޮށްފިއެވެ.
އޯލްޑް ޓްރެފޮޑް އިން ބޮމެއް ކަހަލަ ޕެކޭޖެއް ފެނިފައިވަނީ ޓީމު އަދި ސަޕޯޓަރުންވެސް ދަނޑަށްވަދެ މެޗު ފަށަން ކައިރިވެފައިވަނިކޮށެވެ. ފުރަތަމަ އެއީ ކޯޗެއްކަން ޔަގީން ނުވެ މެޗު ވަނީ 45 މިނެޓަށް ފަސްކޮށްފައެވެ. ނަމަވެސް މިހާރު އިނގިރޭސި ފުލުހުންނާއި ބޮމް ސްކޮޑް ދަނޑުގައި ހަރަކާތްތެރިވަމުން އަންނަ އިރު ބައެއް ހަބަރު ފަތުރާ ވަސީލަތް ތަކުން ވަނީ އޭގައި ގޮވާއެއްޗެއް ވާކަން ކަށަވަރުކޮށްފައެވެ.
ކުޅުންތެރިން އަދިވެސް ދަނޑު ދޫކޮށްގޮސްފައި ނުވާއިރު ޔުނައިޓެޑްގެ ކުޅުންތެރިޔެއް ކަމަށްވާ އެންޑަ ހެރޭރާ ބުނެފައިވަނީ ދެ ޓީމުގެ ކުޅުންތެރިންވެސް ތިބީ މިކަމާ ގުޅިގެން ވަރަށް ކަންބޮޑުވެ ހާސްވެފައިކަމަށެވެ.
މީގެ 58 އަހަރު ކުރިން ޔުނައިޓެޑްގެ ޓީމު ދަތުރުކުރި މަތިންދާބޯޓު ވެއްޓި އޭގެއިން ދަތުރުކުރި 23 މީހަކު(ކުޅުންތެރިންނާ ޓީމުގެ އޮފިޝަލުން)ވަނީ ނިޔާވެފައެވެ. ހާދިސާއަށް 58 އަހަރު ވެފައިވީއިރުވެސް ސަޕޯޓަރުން އަދިވެސް އެހަނދާނެއް ނެތިފައި ނުވެއެވެ.