ރައްޔިތުންގެ މަޖިލީހުގެ މަހިބަދޫ ދާއިރާގެ މެމްބަރު އަހުމަދު ތޯރިގް ކުންފުންޏަކަށް ދައްކަން ޖެހޭ ދެ ލައްކައެއްހާ ރުފިޔާ ދައްކަން ނުޖެހި މައްސަލަ ސިވިލް ކޯޓުން ބާތިލުކޮށްފިއެވެ.
ސިވިލް ކޯޓުން މިމައްސަލަ ބާތިލު ކޮށްފައިވަނީ މިދިޔަ ބުރާސްފަތި ދުވަހުއެވެ. ފިއުލް އެކްސްޕްރެސް މޯލްޑިވްސް ޕްރައިވެޓް ލިމިޓެޑުން ތޯރިގަށް 2011 ވަނަ އަހަރު ފޯރުކޮށްދިން ތެލުގެ އަގުގެ ގޮތުގައި ދައްކަންޖެހޭ 170،261.45 ރުފިޔާ ހޯދުމަށް ސިވިލް ކޯޓަށް މައްސަލަ ހުށަހަޅާފައި އެކޯޓުން ކުރި ހުކުމުގައި ވަނީ ތޯރިގް ފިއުލް އެކްސްޕްރެސް މޯލްޑިވްސް ޕްރައިވެޓް ލިމިޓެޑަށް ދައްކަން ޖެހޭ ފައިސާ ވަނީ ކޯޓުން ބޭރުގައި ދައްކާފައިކަމަށެވެ.
އަދި މިކަމަށް ހެކިދޭ ސިޓީއެއް ކޯޓަށް ލިބިފައިވާ ކަމަށާއި މައްސަލަ އިތުރަށް ކުރިއަށް ގެންދާނެ ތަނެއް ނެތްކަމުން މައްސަލަ ނިންމައި ކޯޓުންވަނީ ހުކުމް ކޮށްފައެވެ.