ރައީސް އަބްދުﷲ ޔާމީންގެ އަމިއްލަ ގެކޮޅު ގ. ދޫވެހި މިލްކުވެރިކަން ދޫކުރައްވައި ހ. ނޫމަރާގެ މިލްކު ކުރައްވައިފިއެވެ.
ސިވިލް ކޯޓުން މިމަހުގެ 11 ވަނަ ދުވަހު ނިންމަވާފައިވާ ގަޟިއްޔާގައި ވަނީ ހދ. ކުޅުއްދުއްފުށީ ވައިފިލާގެ މަރިޔަމް އަހުމަދުގެ މިލްކުވެރިކަމުގެ ދަށުގައިވާ 2969 އަކަފޫޓުގެ ބިމާއި އެ ބިމުގައި ހުރި ތަންތަނާއި ނުއުފުލޭ މުދާ މއ. ކާމީނީ ހުޅަގުގޭ އަބްދުﷲ ޔާމީން އަބްދުލްގައްޔޫމަށް އަގުމަގު ކުރުމެއް ނެތި ލާޖައްސައި ހުކުމްކޮށްފައިވާ ކަމަށެވެ.
ހ. ނޫމަރާ ގެއަކީ ޗީބޯގެ އަނެއް ކަންމައްޗަށް އޮންނަ ގޯއްޗެކެވެ.
ރައީސް ޔާމީން ގ. ދޫވެހި މިލްކްވެރިކަން ދޫކުރެއްވި އިރު އެމަނިކުފާން ވަނީ އެގެއިން ނިކުމެ ވަޑައިގެން ހިލާލީގޭގައި ދިރިއުޅެން ފައްޓަވާފައެވެ.