ކުރީގެ ދިއްގަރު ދާއިރާގެ މެމްބަރު އަހްމަދު ނާޒިމް އަތުން 35،000 ޑޮލަރު ހޯއްދަވާފައިވާ ކަމަށް ބުނެ އެފައިސާ ހޯދުމަށް ޓްރާންސްޕޯޓް އޮތޯރިޓީގެ ޗެއާމަން އަބްދުއް ރަޝީދު ނާފިޒު ގޮވައިގެން ނާޒިމް ސިވިލް ކޯޓަށް މައްސަލަ ހުށަހަޅައިފިއެވެ.
ނާޒިމްގެ ފަރާތުން ސިވިލް ކޯޓަށް ހުށަހަޅާފައިވަނީ އަބްދުއް ރަޝީދު ނާފިޒު ދަރަނީގެ ގޮތުގައި 35،000 އެމެރިކާ ޑޮލަރު ނާޒިމް އަތުން ހޯދުމަށް ފަހު ދަރަނި އަދާ ނުކުރާކަމަށް ބުނެ އެވެ.
މި މައްސަލަ ސިވިލް ކޯޓަށް ހުށަހަޅާފައިވާ އިރު މައްސަލައިގެ ޑިސްޕިއުޓް މަރުހަލާ ވަނީ ހައްލު ނުވެ ނިމިފައެވެ.
ނާޒިމް އަބްދުއް ރަޝީދު ނާފިޒުގެ މައްސަލައެއް ކޯޓަށް ހުށަހަޅާފައިވާ އިރު، ވިލުފުށީ ދާއިރާގެ މެމްބަރު ރިޔާޒު ރަޝީދު އަތުން ނާޒިމްގޭގެ ކުލި ހޯދުމަށްވެސް ވަނީ ސިވިލް ކޯޓަށް ހުށަހަޅާފައެވެ.
އުމުރު ދުވަހުގެ ޖަލު ހުކުމެއް ތަންފީޒު ކުރައްވަމުން ގެންދަވާ ނާޒިމް ވަނީ ބޭސްފަރުވާއަށް ސިންގަޕޫރަށް ވަޑައިގަތުމަށްފަހު، އިނގިރޭސިވިލާތަށް ފިއްލަވައިގެން ވަޑައިގެންފައެވެ.