ދިރާގުން ގެސްޓް ހައުސްތަކަށް ހާއްސަ އިންޓަނެޓް ޕެކޭޖެއް ތައާރަފުކޮށްފި އެވެ.
އެ ކުންފުނިން ބުނީ ފިކްސްޑް ބްރޯޑްބޭންޑް ނެޓްވޯކް ގާއިމް ކުރެވިފައި ނުވާ ރަށްރަށުގައި ހިންގާ ކޮންމެ ގެސްޓް ހައުސް ވިޔަފާރިއަކަށް ވެސް ދިރާގުން އަލަށް ތައާރަފް ކުރި "ގެސްޓް ހައުސް އިންޓަނެޓް" ގެ ހިދުމަތް މެދުވެރިކޮށް ހާއްސަ ކޭބަލް ކަނެކްޝަނެއް ޤާއިމްކުރެވޭނެ ކަމަށެވެ.
އޭގެ ސަބަބުން އިންޓަނެޓް ސްޕީޑް ހަލުވިވެ މަހު ފީ ދެއްކުމަށް ފަހު ގެސްޓް ހައުސްތަކަށް "އަން-ލިމިޓެޑް އިންޓަނެޓް" ގެ ހިދުމަތް ހޯއްދެވުމުގެ ފުރުސަތު ފަހިވެގެން ދާނެ ކަމަށް ދިރާގުން ބުންޏެވެ.
"މި ހިދުމަތާއި އެކު ފައިބާ އޮޕްޓިކް ކޭބަލާއިއެކު އަވަސް އިންޓަނެޓްގެ ހިދުމަތް، އެންމެ ޒަމާނީ، ކްލައުޑް ވައި-ފައި ނެޓްވާކް ސިސްޓަމް މެދުވެރިކޮށް އަމިއްލަ ވައި-ފައި ހޮޓްސްޕޮޓް ހިދުމަތާއިއެކު، ގެސްޓްހައުސްގައި ކަސްޓަމަރުންނަށް ދެވޭ ހިދުމަތުގެ ތަޖުރިބާ އިތުރަށް ފުރިހަމަ ކުރުމުގެ ފުރުސަތު ގެސްޓްހައުސް ހިންގަވާ ފަރާތްތަކަށް ހުޅުވިގެން ދާނެ އެވެ." ދިރާގުން ނެރުނު ނޯޓިހެއްގައި ބުންޏެވެ.
ދިރާގުން އަދި ބުނީ އަލަށް ތައާރަފު ކުރި ޕެކޭޖާ އެކު ކަސްޓަމަރުންނަށް ކްލައުޑް-ބޭސްޑް ސެންޓްރަލައިޒްޑް ވައި-ފައި މެނޭޖްމަންޓް ސިސްޓަމް، ޔުނިފައިޑް ތްރެޓް މެނޭޖްމަންޓް (ޔޫޓީއެމް) ޓްރެފިކް އެނަލައިޒްކޮށް ބޭނުން ކުރެވޭ މިންވަރު ވަގުތުން މެނޭޖްކުރުން، ގެސްޓް ޕޯޓަލް އަދި ބްރޭޑްކޮށްފައިވާ ގެސްޓް ލޮގިން ޕޭޖް، ގެސްޓުންނަށް ތަފާތު ޕެކެޖުތައް ފަރުމާ ކުރުން، ފަސޭހަކަމާއެކު އެކްސެސް ކޯޑު ޖެނެރޭޓް ކުރުން، އަދި ހާއްސަ ރިލޭޝަންޝިޕް މެނޭޖްމަންޓް ގެ އިތުރުން 24 ގަޑިއިރުގެ ޓެކްނިކަލް ސަޕޯޓް ލިބޭނެ ކަމަށެވެ.