ކިއުކަމްބާއަކީ ކަރައެކޭ އެއްގޮތަށް ވަރަށް ގިނަ އަދަދެއްގެ ފެން އެކުލެވޭ ތަރުކާރީއެކެވެ. އެހެންވެ ކިއުކަމްބާއަކީ ކަރު ހިއްކުން ފިލުވައިދޭ އެއްޗެކެވެ. ދިވެހިން އާންމުކޮށް ކިއުކަމްބާ ބޭނުުންކޮށް އުޅެނީ ސަލަޑް ހެދުން ފަދަ ކަންކަމަށެވެ.
އެކަމަކު އެނގޭ ހެއްޔެވެ؟ ކިއުކަމްބާ ޖޫހަކީ ވެސް ވަރަށް މީރު ހަމަ އެހާމެ ފައިދާތައް ގިނަ ތަރުކާރީއެކެވެ. އެހެންވީމާ ތާޒާ ކިއުކަމްބާ އިން ޖޫސް ގިރައިގެން ވެސް ބޯން އާދަ ކުރާށެވެ.
މިއީ ހޯދަން އުނދަގޫ ބާވަތެއް ވެސް ނޫނެވެ. ރާއްޖޭގެ ބާޒާރުން ފަސޭހަކަމާ އެކު ލިބޭ އަދި ރާއްޖޭގައި އެންމެ އާންމުކޮށް ހައްދާ އެއް ބާވަތް ވެސް މެ އެވެ.
ކިއުކަމްބާ ޖޫހުގެ ފަައިދާތަކަށް ބަލާ އިރު މިއީ ކެންސަރު ޖެހުމުން ރައްކާތެރިކޮށްދޭ ބުއިމެކެވެ. ކިއުކަމްބާއަކީ ކެންސަރާ ދެކޮޅަށް ހަނގުރާމަ ކުރާ މާއްދާތައް ވަރަށް ގިނަ އަދަދަކަށް އެކުލެވޭ އެއްޗެކެެވެ.
އެހެންކަމުން އާންމުކޮށް ކިއުކަމްބާ ޖޫސް ބޭނުން ކުރާ ނަމަ، ކެންސަރާ ދެކޮޅަށް ހަނގުރާމަކޮށް ދޭނެ އެވެ.
ބަރުދަން ލުއި ކުރަން ވެސް ކިއުކަމްބާ ޖޫސް އެހީއަކަށްވެ އެވެ. އޭގައި ކެލޮރީ އެކުލެވޭ މިންވަރު ދަށްވެފައި ފެން އެކުލެވޭ މިންވަރު މަތިވުމަކީ ކިއުކަމްބާ ޖޫސް ބޭނުން ކުރާ ނަމަ ބަރުދަން ލުއިކޮށް ދޭން ބާރު އަޅާ ކަމެކެވެ.
ހަމަ މިއާ އެކު ހަށިގަނޑުން ފެން މަދުވެ ޑިހައިޑްރޭޝަން ކުރިމަތިވާ މީހުންނަށް ވެސް ކިއުކަމްބާ ޖޫހަކީ ރަނގަޅު ފަރުވާއެކެވެ.
ހަޖަމް ކުރުމުގެ ނިޒާމް ބަރާބަރުކޮށް ދިނުމަކީ ވެސް ކިއުކަމްބާ ޖޫސް ބޭނުން ކުރާ ނަމަ ހޯދައި ގަނެވޭނެ ފައިދާއެކެވެ.
ކިއުކަމްބާ ޖޫސް ބޯ ނަމަ ބޮލުގައި ރިއްސުމާއި ވަރުބަލިވުން ފަދަ މައްސަލަތައް ވެސް ހަމައަކަށް އަޅުވައި ދެ އެވެެ.