ރާއްޖޭގެ މާހައުލާ ރައްޓެހި އަދި ގިނަ ދުވަހު ބޭނުން ކުރެވޭ ހާއްސަ އެއާ ކޮންޑިޝަނައެއް ރީފް ސައިޑުން މިއަދު ތައާރަފުކޮށްފި އެވެ.
ހޮޓެލް ޖެންގައި މިއަދު ބޭއްވި ރަސްމިއްޔާތެއްގައި މިއަދު ރާއްޖެ އަށް ތައާރަފު ކުރީ އިންޑިއާގެ މަޝްހޫރު ބްރޭންޑެއް ކަމަށްވާ ބްލޫ ސްޓާގެ ޓީ ސިރީޒްގެ އެއާކޮންޑިޝަނާ އެވެ.
އެ އުފެއްދުން ތައާރަފުކޮށް ދެއްވީ ރީފް ސައިޑުގެ މެނެޖިން ޑިރެކްޓަރު ހަސަން ޒާހިރާއި، ބްލޫ ސްޓާ އިންޓަނޭޝަނަލް ގުރޫޕްގެ ވައިސް ޕްރެޒިޑޭންޓް ރަޖެންދުރަ ވަރުމާ އެވެ.
ރީފް ސައިޑުން ބުނީ ޓީ ސީރީޒްގެ އޭސީއަކީ ބްލޫ ސްޓާގެ ޓެކްނިކަލް ޓީމުން އެކި ފަހަރު މަތިން ރާއްޖެ އައިސް ދިރާސާ ކުރުމަށް ފަހު ފަރުމާކޮށްފައިވާ އޭސީއެއް ކަމަށެވެ.
އެގޮތުން އޭސީ ފަރުމާކޮށްފައި ވަނީ އައުޓް ޑޯ ޔުނިޓްގައި ފަސޭހައިން ދަބަރު ނުޖަހާ ގޮތަށެވެ. އަދި އައުޓް ޑޯ ޔުނިޓްގެ އަޑު މަޑު ކުރުމަށް ހާއްސަ ކަވަރެއް ލައްވާފައިވެ އެވެެ.
ރީފް ސައިޑުން ބުނީ އޮގަސްޓު މަހުގެ ތެރޭގައި ޓީ ސީރީޒްގެ އެ އެއާކޮންޑިޝަން 9،000 ބީޓީޔޫއިން ފެށިގެން 24،000 ބީޓީޔޫ ބާޒާރަށް ނެރޭނެ ކަމަށެވެ.