ކުނީގެ މައްސަލަ ބޮޑު އައްޑޫގެ އެކި ސަރަހައްދުތަކުގައި އަނެއްކާ ވެސް ޑަސްބިން ބަހައްޓަން އައްޑޫ ސިޓީ ކައުންސިލުން ނިންމައިފި އެވެ.
މީގެ ކުރިން ވެސް ކައުންސިލުން ބައެއް ސަރަހައްދުތަކުގައި ޑަސްބިން ބަހައްޓާފައިވެ އެވެ.
ކައުންސިލުން ބުނީ ކަނޑައަޅާ ސަރަހައްދުތަކުގައި ޑަސްބިން ބަހައްޓައި ދޭން ޝައުގުވެރިވާ ފަރާތްތަކަށް ޕްރޮޕޯސަލް ހުށަހެޅުމުގެ ފުރުސަތު ވެސް ހުޅުވާލައިފައިވާ ކަމަށެވެ.
އެހެންވެ މިކަމަށް ޝައުގުވެރިވާ ފަރާތްތަަަކަށް މި މަހުގެ 26 ވަނަ ދުވަހާ ހަމައަށް ވަނީ ޕްރޮޕޯސަލް ހުށަހެޅުމުގެ ފުރުސަތު ހުޅުވާލައިފަ އެވެ.
މިކަމާ ބެހޭ ގޮތުން މި މަހުގެ 23 ވަނަ ދުވަހު ހެނދުނު 11:00 ގައި މައުލޫމާތު ދިނުން އޮންނާނެ ކަަމަށް ކައުންސިލުން ބުންޏެވެ.
މައުލޫމާތު ދިނުން އޮންނާނީ ހިތަދޫގައި ހުންނަ ކައުންސިލް އިދާރާގަ އެވެ.
ކުނީގެ މައްސަލަ ހައްލު ކުރަން މީގެ ކުރިން ކައުންސިލުން ބައެއް ސަރަހައްދުތަކުގައި ޑަސްބިން ބެެހެއްޓެމުގެ އިތުރަށް އަމިއްލަ ބައެއް ފަރާތްތަކުން ވެސް ޑަސްބިން ބެހެއްޓި އެވެ. އެގޮތުން ހަންކެޑެ އާއި ގައުކެޑި ސަރަހައްދުގައި ޑަސްބިން ބެހެއްޓި އެވެ.
އެކަމަކު ޑަސްބިންތަކަށް ކުނި އެޅުމުގެ ބަދަލުގައި ޖެހުނުހާ ތަނަކަށް ކުނި އަޅާ މަންޒަރު ފެނިފައިވެ އެވެ.