ކެޔޮގަނޑާ އެކު އަންނަ ބޯށި ކާލަން ބޭނުން ކުރަނީ ކިތައް މީހުން ބާވަ އެވެ. ހަމަ ގައިމު ވެސް ބޯށި ބޭކާރު އެއްޗެއްގެ ގޮތުގައި އުކާލުމަކީ ވަރަށް އާންމުކޮށް ފެންނަ މަންޒަރެކެވެ.
އެކަމަކު ކެޔޮގަނޑު މުހިއްމުވާ ވަރަށް އޭގެ ބޯށި ވެސް މުހިއްމެވެ. އެއީ ސިއްހީ ގޮތުން އެތައް ފައިދާއެއް އެކުލެވޭ އެއްޗެކެވެ. ވަރަށް މަދުން ނަމަވެސް ދިވެހިން ބޯށި ތެލުލައި އަދި ހިކި ރިހަ ފަދަ އެއްޗެހި ހަދައިގެން ބޭނުން ކުރެ އެވެ. ފާހަގަކޮށްލަން ޖެހޭ ކަމަކީ ބޯއްޓަކީ އަންހެނުންނަށް ފައިދާތައް ގިނަ އެއްޗެއް ކަމެވެ.
ބޯށިގެ ފައިދާތަކަށް ބަލާ އިރު އެއީ އަންހެނުން ޕީރިއަޑްވެގެން އުޅޭ ދުވަސްވަރު ބޭނުން ކުރަން ރަނގަޅު އެއްޗެކެވެ.
ކެއުމުގެ ތެރޭގައި ބޯށި ހިމަނާށެވެ. ބޯއްޓަކީ މަތީ މިންވަރަކަށް ފައިބަރާއި ވިޓަމިން އީ އެކުލެވޭ އެއްޗެކެވެ.
ތަޖުރިބާކާރުން ބުނާ ގޮތުގައި ޕީރިއަޑް ދުވަސްވަރު ބޯށި ކައްކައިގެން ޔޯގަޓް ފަދަ ތަކެއްޗާ އެކު ބޭނުން ކުރުމަކީ އާދަޔާހިލާފަށް ގިނައިން ލޭ ފޭބުން މަނާކޮށް ދޭނެ ކަމެކެވެ.
ހަމަ މިއާ އެކު ބޯއްޓަކީ ހަކުރު ބައްޔާއި އެނޭމިއާ ފަދަ ބަލިތަކުން ރައްކާތެރިކޮށް ދޭން ބާރު އަޅާ އެއްޗެކެވެ. ބޯށީގައި އެކުލެވޭ މާތަަކަކީ ހަށިގަނޑުގައި އެކުލެވޭ ހަކުރުގެ މިންވަރު ކޮންޓްރޯލްކޮށްދޭ އެއްޗެކެވެ.
ބޯށީ އަނެއް ފައިދާއަކީ ކިރުމައިންނަށް ވެސް އޮތް އުފާވެރި ހަބަރެކެވެ.
ވިހައިގެން ދަރިފުޅަށް ބުއް ދޭން ޖެހޭ ދުވަސްވަރު އުރަމައްޗަށް ކިރު ނާރައިގެން އުޅޭ ނަމަ، ބޯށި ބޭނުން ކުރާށެވެ.
ކިރުު އެރުމަށް އެހީތެރި ވެދޭނެ އެވެ.
ބޯށީގެ އިތުރު ފައިދާއަކަށް ޖެހިލާ ނަމަ އެ ބޭނުން ކުރާ ނަމަ ޑިޕްރެޝަން ފަދަ ނުރައްކާތަކުން ސަލާމަތްކޮށް ދޭނެ އެވެ.
އެހެންވެ މި ހުރިހާ ފައިދާތަކަކާ އެކު ބުނަން އޮތް ވާހަކައަކީ ކެޔޮގަނޑު ކަނޑާލާފައި ބޯށި އެއްލައިނުލާށޭ އެވެ. ކެޔޮގަނޑު ކަނލީމާ ބޯށީގެ މުހިއްމުކަން ވެސް އެހާމެ ބޮޑޭ އެވެ.
ކެއުމުގެ ތެރޭގައި ކޮންމެވެސް ގޮތަކަށް ބޯށީގެ ބޭނުން ހިފާާށެވެ. ފައިދާތައް ފެންނަން ފަށާނެ އެވެ.