ރޯދަ މަހާ ދިމާކޮށް ބޭންކް އޮފް މޯލްޑިވްސް (ބީއެމްއެލް) އިން އައްޑޫ ހިމެނޭ ގޮތަށް އަތޮޅުތެރޭގެ 10 ފިހާރައަކުން އެ ބޭންކްގެ "އީޒީ ޕޭ" ހިދުމަތް ލިބޭ ގޮތް ހަމަޖައްސައިފި އެވެ.
އައްޑު އާ އެކު މި ހިދުމަތް ތައާރަފު ކުރި އަތޮޅުތަކަކީ ފުވައްމުލައް، ލ. އަތޮޅު އަދި ހއ. އަތޮޅެވެ.
ބީއެމްއެލް އީޒީ ޕޭގެ ދަށުން ވިޔަފާރި ކުރެވޭ ފިހާރަތަކުން ކަސްޓަމަރުންނަށް ކްރެޑިޓް ކާޑުގެ ލިމިޓާ އެއްވަރުގެ އިތުރު ކްރެޑިޓް ލިމިޓެއް ލިބޭނެ ކަމަށް ބީއެމްއެލުންން ބުނެއެވެ.
މި ސްކީމްގެ ދަށުން ކަސްޓަމަރުންގެ ކްރެޑިޓް ކާޑުގެ ލިމިޓާ އެއްވަރުގެ އަދަދަކަށް މުދާ ގަނެވި މި ގޮތުން ގަންނަ މުދަލަށް ފައިސާ ދެއްކުމަށް ދިގު މުއްދަތަކާއި ލުއި ގޮތްތަކެއް ލިބިގެން ދާނެ ކަމަށް ވެސް ގައުމީ ބޭންކުން ބުންޏެވެ.
ބީއެމްއެލް އީޒީ ޕޭ ގެ ދަށުން ވިޔަފާރިކުރި ނަމަވެސް އެހެނިހެން ވިޔަފާރި ކުރުމަށް ވެސް ހަމަ މި ކްރެޑިޓް ކާޑް ލިމިޓް ކަސްޓަމަރުންނަށް ބޭނުން ކުރެވެ އެވެ.
ބީއެމްއެލް އީޒީ ޕޭގެ ދަށުން ގަންނަ މުދަލަށް ފައިސާ ދެއްކުމަށް އަހަރަކަށް ފަސް ޕަސަންޓް އިންޓްރެސްޓަކާއެކު ތިން މަސް، ހަ މަސް، 12 މަސް، 18 މަސް އަދި 24 މަހުގެ މުއްދަތު ލިބިގެން ދާނެ ކަމަށް ވެސް ބީއެމްއެލުން ބުންޏެވެ.
މި ޚިދުމަތް ލިބޭނީ އެމެރިކަން އެކްސްޕްރެސް ކްރެޑިޓް ކާޑު ގެންުޅޭ ކަސްޓަމަރުންނަށެވެ.