ގޭތެރެ ޒީނަތްތެރި ކުރުމަށް ބޭނުންވާ ކޮލެޓީ، ފަހުގެ އުފެއްދުންތައް ވިއްކާ މަޝްހޫރު "އީވޯ" އިން މަރަދޫފޭދޫގައި "ހޯމް އެކްސްޕްރެސް ބައި އީވޯ" ނަމުގައި ޝޯ ރޫމެއް ރޭ ހުޅުވައިފި އެވެ.
މަރަދޫފޭދޫ ކޮފީ ބެންޑް ރެސްޓޯރެންޓް ކައިރީ ދިމާލުން "ލިލީ" ފިހާރަ ކައިރީ ހުޅުވި މި ޝޯވް ރޫމް ރޭ ހުޅުއްވައި ދެއްވީ އައްޑޫ މޭޔަރު އަބްދުﷲ ސޯދިގް (ސޯބެ) އެވެ.
ރޭގެ ރަސްމިއްޔާތަށް ފަހު އީވޯ ހޯމްގެ މާކެޓިން މެނޭޖަރު ރިޒްމާ ރަޝީދު (ރިޒޫ) "އައްޑޫ ލައިވް" އަށް ވިދާޅުވީ ހޯމް އެކްސްޕްރެސް އިން އައްޑޫގެ ރައްޔިތުން ބޭނުންވާ ފަދަ ކޮލެޓީ ރަނގަޅު ތަކެތި ހެޔޮ އަގުގައި ފޯރުކޮށް ދޭނެ ކަމަށެވެ.
ރިޒޫ ވިދާޅުވީ ހޯމް އެކްސްޕްރެސް ހުޅުވުމާއި އެކު ރޯދަ ޕްރޮމޯޝަންގައި ބައިވެރިވުމުގެ ފުރުސަތު ވެސް އައްޑޫ ކަސްޓަމަރުންނަށް ވަނީ ހުޅުވާލައިފަ އެވެ.
އެގޮތުން މި ޕްރޮމޯޝަންގައި އެއް ވަނައަށްދާ ފަރާތަކަށް 15،000ރ. ގެ އަގުހުރި ފްރިޖެއްް ހުށަހަޅާފައިވާ އިރު ދެވަނަ އަށް އަންނަ ފަރާތަކަށް 10،000ރ. 39 އިންޗީގެ ޓީވީއެއް ވަނީ ހުށަހަޅައިފަ އެވެ. އަދި ތިން ވަނަ ފަރާތަށް 5،000ރ. ގެ އަގުހުރި މައިކްރޯވޭވް އަވަނެއް ވަނީ ޕްރޮމޯޝަނުގެ ދަށުން ހުށަހަޅައިފަ އެވެ.
"ހޯމް އެކްސްޕްރެސް ބައި އީވޯ" އިން މޯލްޑިވްސް އިސްލާމިކް ބޭންކް (އެމްއައިބީ) އެމްއެފްއެލްސީ އަދި ބޭންކް އޮފް މޯލްޑިވްސް (ބީއެމްއެލް) މެދުވެރިކޮށް މުދާ ގަނެވޭނެ އިންތިޒާމް ވެސް ވަނީ ހަމަޖައްސައިފަ އެވެ.
އެހެންވެ މިއީ ރޯދަ މަހާ ދިމާކޮށް ގޭތެރެ އާކޮށްލަން ލިބޭ ރަނުގެ ފުރުސަތަކަށް ވާނެ އެވެ.