ހިކި މޭބިސްކަދުރަކީ ކޭކާއި ކަސްޓަޑް ތައްތާރު ކުރުން ފަދަ ކަންކަމަށް ދިވެހިން އާންމުކޮށް ބޭނުން ކުރާ ބާވަތެކެވެ. އެކަމަކު އޭގެ ބޭނުން އެ ނޫން ގޮތަަކަށް ހިފިދާނެކަން އެނގެނީ ކިހާ ވަރަަކަށް ހެއްޔެވެ؟
ފަހުގެ ދިރާސާއަކުން ހާމަވެފައިވާ ގޮތުގައ ފެން ތައްޓެއްގެ ތެރެއަށް ހިކި މޭބިސްކަދުރު އަަޅައިގެން އޭގެ ފެން ބުއިމަކީ ސިއްހީ ގޮތުން އެތައް ފައިދާއެއް ލިއްބައިދޭ ކަމެކެވެ.
އޭގެ ފައިދާތަކަށް ބަލާ އިރު، ހަންގަނޑުގައި ރޫ ޖެހުމާއި ހަންގަނޑު ކުރަކިވުން ފަދަ މައްސަލަތަކުން ދުރުކޮށްދެ އެވެ.
ހިކި މޭބިސްކަދުރަކީ ގިނަ އަދަދަކަށް ފްލެވޮނޮއިޑްސް އޮކްސިޑަންޓްސް އެކުލެވިގެންވާ އެއްޗެކެެވެ.
އެހެންވެ ފެނުގެ ތެރެއަށް ހިކި މޭބިސްކަދުރު "ވިރުވާލައިގެން" އޭގެ ފެން އާންމުކޮށް ބޯ ނަމަ ހަންގަނޑު ޒުވާންކަން މަތީ ދެމެހެއްޓުމަށް ބާރު އަޅައި ދެ އެވެ.
ގަވައިދުން ހިކި މޭބިސްކަދުރު ފެން ބޯ ނަމަ ހަޖަކު ކުރުމުގެ ނިޒާމް ވެސް ރަނގަޅުކޮށް، ބަނޑު ހަރުވުން ފަދަ އުނދަގޫތަކުން ސަލާމަތްކޮށްދެ އެވެ.
އަދި މިއީ މައިދާ އަށް ދިމާވާ މައްސަލަތަކުން ރައްކާތެރިކޮށްދޭ ބުއިމެކެވެ. ހަމަ އެއާ އެކު އާދަވެގެން އެ ފެން ބޯ ނަމަ ހަށިގަނޑުގައި ކޮލެސްޓްރޯލް އެކުލެވޭ މިންވަރު ކޮންޓްރޯލްކޮށް ދެ އެވެ.
އެހެންވެ ދުވާލަކު މަދުވެގެން އެއް ތަށި ހިކި މޭބިސްކަދުރު ފެން ބޯން އާދަކުރާށެެވެ.