އިކޮނިމިކް މިނިސްޓްރީގެ އޮފީހެއް ހިތަދޫގައި ހުޅުވައި، އެތަނުން ހިދުމަތް ދޭން ފަށައިފި އެވެ.
އެ އޮފީސް ހުންނަނީ ލިންކް ރޯޑްގައި ހުންނަ ހިތަދޫ ބިނާގަ އެވެ.
މިނިސްޓްރީން ބުނީ ބިނާގައި އޮފީސް ގާއިމުކޮށް ހިދުމަތް ދޭން ފެށީ މި މަހުގެ 18 ވަނަ ދުވަހުން ފެށިގެން ކަމަށެވެ.
އިކޮނިމިކް މިނިސްޓްރީން ބުނީ އެތަނުގެ އޮފީހެއް ހިތަދޫގައި ގާއިމު ކުރުމާ ގުޅިގެން، ކުރިން އައްޑޫ ސިޓީ ކައުންސިލް އިދާރާ އިން ދެމުން ގެންދިޔަ މިނިސްޓްރީގެ ހިދުމަތްތާއި އެ މިނިސްޓްރީން ކައުންސިލް އިދާރާގައި ގާއިމުކޮށްފައިވާ ބިޒްނަސް ޑިވެލޮޕްމަންޓް ސާވިސް ސެންޓަރު (ބީޑީއެސްސީ) ވެސް މިހާރު ހިނގަމުންދާނީ މިނިސްޓްރީގެ އޮފީހުގައި ކަމަށެވެ.
މިނިސްޓްރީން ބުނީ އައްޑޫގައި އޮފީހެއް ގާއިމު ކުރެވިގެން ދިއުމުން، އައްޑޫން އިކޮނޮމިކް މިނިސްްޓްރީގެ ހިދުމަތްތައް އެއް ތަނަކުން ލިބިގެން ދިއުމަކީ ހިދުމަތް ހޯދާ އާންމު ރައްޔިތުންނަށް ވަރަށް ބޮޑު ލުޔަކާއި ފަސޭހައަކަށް ވާނެ ކަމަށެވެ.