ހުޅުދޫގައި ސާފު ބާ ފޯން ފޯރުކޮށް ދޭން ގާއިމު ކުރަން ފެށި ނިޒާމްގެ މަސައްކަތް ނިންމާލައިފި އެވެ.
ފެނަކަ ކޯޕަރޭޝަނުން ހުޅުދޫގެ ފެނުގެ ނިޒާމް ކުރިއަށް ގެންދިޔައީ ސަބް ކޮންޓްރެކްޓަރެއްގެ ގޮތުގައި ސްރީ ލަންކާގެ ޕިއުރިޓީ ކުންފުންޏާ ހަވާލުކޮށްގެންނެވެ.
މިދިޔަ ފެބްރުއަރީ މަހު ފެށި ހުޅުދޫގެ މަސައްކަތް އެއްކޮށް ނިންމާލައިފައިވާ އިރު، މިހާރު ކުރިއަށް ދަނީ މީދޫގައި ފެނުގެ ނިޒާމް ގާއިމު ކުރުމުގެ މަސައްކަތެވެ.
ތިރީސް މިލިއަން ރުފިޔާ ހަރަދުކޮށްގެން އައްޑޫގައި ކުރިއަށް ގެންދާ މަޝްރޫއުގެ ދަށުން ފޭދު އާއި މަރަދޫފޭދޫ އަދި މަރަދޫގެ މަސައްކަތް ވެސް މިހާރު ވަނީ ނިންމާލައިފަ އެވެ.
އައްޑޫގައި އެންމެ އާބާދީ ބޮޑު ހިތަދޫގެ ބޮޑު ބައެއްގައި ވެސް ފެނުގެ ނިޒާމް ވަނީ ގާއިމުކޮށްފަ އެވެ. އަދި ބާކީ ހުރި މަސައްކަތްތައް އަންނަނީ ކުރަމުންނެވެ.
ފެނަކަ އިން ބުނި ގޮތުގައި އައްޑޫގެ ފެނުގެ ނިޒާމް އަންނަ އޮގަސްޓް މަހު އެއްކޮށް ނިންމާލައި، ހިދުމަތް ދޭން ފެށޭވަރު ވާނެ އެވެ.
އައްޑޫގެ ފެނުގެ ނިޒާމް ނިމުމަަކަށް އައިސްފައިވާ އިރު ނަރުދަމާ ނިޒާމް ގާއިމު ކުރުމުގެ ތައްޔާރީތައް މިހާރު އަންނަނީ ވަމުންނެވެ. އެގޮތުން އެ މަސައްކަތް ކުރާނެ ބަޔަކު ހޯދަން މިހާރު ވަނީ ބީލަމަށް ލައިފަ އެވެ.
އައްޑޫގެ ފެނުގެ ނިޒާމް މި ސަރުކާރުން އިފުތިހާހު ކުރީ ޑިސެމްބަރު 28، 2014 ގަ އެވެ.