3. އަންހެނުން އަބަދުވެސް ވިސްނަނީ ފިރިން ވިސްނާނީ އެމީހުުންގެ ވިސްނުމާ އެއްގޮތަށް ކަމުގައެވެ. އަދި އެމީހުންގެ އިޙުސާސްތައް އެންމެ ރަނގަޅަށް އެނގޭނެކަމަށްވެސް އަނބިންވިސްނައެވެ. ފިރިންގެ އުޅުން ހުންނަގޮތުން އެމީހުންގެ އުޅުން ބަދަލުކުރަމަށް ބައެއް އަނބިން މަސައްކަތްކުރެއެވެ. އުފާވެރިހަޔާތެއްގެ ކާމިޔާބުކަން ވަނީ މީހެއްގެ މިޒާޖާއި އުޅުން ބަދަލުކުރުމުގެ ބަދަލުގައި ދެމީހުން އެކަކު އަނެކަކު ދެނިގަތުމުގައެވެ. ދެމީހުން ހައްދަވަފައިވަނީ އެއްގޮތަކަށްނޫނެވެ. އެހެނެއްކަމަކު ދެމީހުން ހައްދަވާފައިވަނީ އެކަކު އަނެކަކަށްޓަކައެވެ.
ފިރިހެނުންނާއި އަންހެނުންގެ ހުންނަ އެންމެބޮޑު އެއްތަފާތަކީ ދުވާލުގެ މަސައްކަތަށްފަހު ވަރުބަލިވުމުން، އެވަރުބަލިކަމާއި
ހާސްކަންފިލުވާލާގޮތެވެ. ފިރިހެނުން ވަރުބަލިވުމުން ދިރިއުޅުމުގެ ހުރިހާ ހާސްކަމަކާއި ދުރައްޖެހިލާން މަސައްކަތްކުރެއެވެ. ދުވާލުގެ މަސައްކަތުން ލިބޭ ވަރުބަލިކަމާއި ހާސްކަން ފިލުވާލުމަށްޓަކައި ފިލްމެއްބަލާލައެވެ. ނޫނީ ކޮންމެވެސް ނޫހެއް ނުވަތަ މަޖައްލާއެއްކިޔާހަދައެވެ. އެކަމުން އެމީހުންގެ ވިސްނުންމުޅިން އެހެންދިމާލަކަށް އަނބުރާލާ މަޑުމައިތިރިކަން އިޚުތިޔާރުކުރެއެވެ. އެހެންވުމުން މިދަނޑިވަޅުގައި އަނބިމީހާ މިކަމަށް ސަމާލުކަންދޭންވާނެއެވެ. ފިރިމީހާގެ އެމަޑުމަތިރިކަމުގައި ވަގުތުހޭދަކޮށްލުމަށް މިހެން ޢަމަލުކުރުމުން ފިރިމީހާގެ ހިތުގައި
އަނބިމީހާގެ މައްޗަށް ލޯބިގަދަވެ ދިން އިޙުތިރާމް އަނބުރާ ދިނުމަށް ފިރިމީހާ ވިސްނާނެއެވެ.
4. އަންހެނުންގެ ސިކުނޑިއަށް ހަމަޖެހުންލިބެނީ ފިރިހެނުންނާއި މުޅިން ތަފާތުކޮށް އޭނާއަށް ދިމާވެފައިވާ މައްސަލަތަކާއި ބެހޭގޮތުން ވާހަކަދައްކާލެވުމުންނެވެ. ނަމަވެސް ފިރިމީހާ ހާސްވެފައި އިންނަ ދަނޑިވަޅުގައި އަނބިމީހާގެ މައްސަލަތަކާމެދު ވާހަދައްކަންފަށައިފިނަމަ އެހުރިހާކަމެއް ރައްދުވާފަރާތަކީ ފިރިމީހާކަމުގައި ވިސްނައެވެ. އެހެންވުމުން ފިރިހެނުން އެވާހަކަތައް އަޑުއެެހުމަށް ފުރަގަސްދެއެވެ. މިހެންކަންތައްދިމާވުމުން އަނބިމީހާ ވަރަށް ހިތްހަމަނުޖެހޭނެއެވެ. މިހެންދިމާވުމުގެކުރިން އަނބިމީހާ ދައްކާވަހަކަ ރައްދުވާފަރާތަކީ ފިރިމީހާނޫންކަން ސާފުކޮށް ބުނާށެވެ. އަދި މިވާހަކަތައް މިދައްކަނީ ޝަކުވާތަކެއް ކުރަންނޫން ކަމަށްވެސް ބުނާށެވެ. އަދި މިވާހަކަތައް އަޑުއަހާލުމުން ވަރަށް ހިތްހަމަޖެހުންލިބޭ ވާހަކަވެސް ފިރިމީހާގާތު ބުނާށެވެ. މިހެން ކަންތައްކޮށްފިނަމަ އަނބިމީހާގެ ވާހަކަތައް އަޑުއެހުމަށް ފިރިމީހާ ސަމާލުކަންދޭނެއެވެ. އެހެން ގޮތަކަށް ބުނަނީ ނަމަ ފިރިހެނުންނަކީ ފިޠުރަތީ ގޮތުންވެސް މާގިނަައިން ވާހަކަ ދައްކާ އުޅޭބައެއްނޫނެވެ. އެމީހުން ގިނަވަގުތު ހޭދަކުރަން ބޭނުން ވާނީ ހަމަހިމޭންކޮށެވެ.
ފިރިން ވާހަކަ ދައްކާނަމަ އެވާހަކައެއް މެދުކަނޑާނުލާ ސަމާލުކަންދީގެން އަޑުއަހަމުންދާއިރު ދައްކާވާހައަށް ހޫނ ކިޔާލަ ކިޔާލަ އިންނާށެވެ. އެވަގުތު ދައްކާވާހަކައަށް ކަނޑައެޅިގެން ދެކޮޅު ނަހަދާށެވެ. އަނބިމީހާ މިހެން ކަންކޮށްފިނަމަ ބޭއިޚުތިޔާރުގައި އަނބިމާހަގެ ފަރާތަށް ފިރިމީހާ ލެނބޭނެއެވެ.
5. ފިރިހެނުންނަކީވެސް ތަޢުރީފުގެ ބަހަށް ލޯބިކުރާބައެކެވެ. ފިރިމީހާގެ ފުށުން އެހީތެރިކަން ލިބޭކަމަށް ބުނާނަމަ ފިރިން އަނބިންނާ އިތުރަށް ގާތްވާނެއެވެ. ފިރިމީހާގެ މަސައްކަތްތައް ކަމުދާކަމަށް ބުނާނަމަ އޭނާގެ މަސައްކަތްތައް އިތުރަށް ރަނގަޅުކުރުމަށް މަސައްކަތްކުރާނެއެވެ. އަދި ފިރިމީހާގެ ޠަބީޢަތުގައި ރަނގަޅު ކަންތައްތަކެއް ހުރިކަން ޤަބޫލުކުރާކަން
އެނގިއްޖެނަމަ އިތުރައް ފިރިމީހާގެ އެކަންކަން ކުރިއަރުވަންވެސް މަސައްކަތްކުރާނެއެވެ. މިސާލަކަށް މަޖާކުރުން، ދެނެގަތުގެ ހުނަރު، މަސައްކަތްކުރުން، ލޭފަވެތިކަން، ހަމްދަރުދީ، އިޚުލާސްތެރިކަން، ހެޔޮކަން، އަދި މިނޫނަސް ބައެއް ރަނގަޅުކަންކަން ހިމެނެއެވެ. ފިރިހެނުން ކުރިއަށްދިއުމަށް އަނބިންގެ ހިތްވަރަކީ ވަރަށް މުހިންމު އެއްޗެކެވެ. ފިރިމީހާގެ ހުންނަ މިފަދަ ކަންކަން ވީވަރަކުން ފާހަގަ ކުރަންވާނެއެވެ.
6. ފިރިމީހާ އަނބިމީހާގެ ގާތްމީހަކަށްހަދަން އެންމެ ފަސޭހަވާނެގޮތަކީ އޭނަގެ ހުރި މިޒާޖަކާއެކު ބަލައިގަންނާށެވެ. މިޒާޖު ބަދަލުކުރަން އުޅުމަކީ ދެމީހުންގެ ގުޅުމަށް ނޭދެވޭ އަސަރުކުރާނޭ ކަމެކެވެ. ފިރިމީހާގައި ނޭދެވޭ ސިފައެއް ހުރިކަމުގައިވީ ނަމަވެސް އެކަމަކާއެކުގައި ފިރިމީހާ ބަލައިގަނެ އޯގާތެރިވުމުން އެފަދަ ސިފަތައް އަމިއްލެއަށް ދޫކުރާނެއެވެ.
7. އިންސާނާގެ އަސްލު ސިފަ ( ރަނގަޅުކަން ) ރުޅިވެރިހާލަތުގައި ނުފެންނާނެއެވެ. ރުޅިއައިސްފައި ހުންނަ ވަގުތު އިތުރަށް ވާހަކަދެއްކުމަކީ ރަނގަޅުކަމެއްނޫނެވެ. އެއިރުން އިތުރަށް އުފެދެނީ ބޮޑެތިމައްސަލަތަކެކެވެ. މިކަމުގެ އެންމެ ރަނގަޅު ގޮތަކީ އަނބިމީހާ ބޭނުންވާ ކަމެއްބަޔާންކޮށް ސިޓީއެއް (އެސް،އެމް،އެސް) ފޮނުވާލާށެވެ. މިފަދައިން ޢަމަލުކުރުމުން ތިބާޔަށް ހަމަޖެހުން ލިބޭނެއެވެ. އަދި ތިބާ ބޭނުންވާގޮތަކީ ކޮބައިކަންވެސް ފިރިމީހާއަށް އެނގޭނެއެވެ.
8. ޠަބީޢީގޮތުންވެސް ފިރިހެނުންނަކީ އަނބިންގެ ރުޅިވެރިކަމާއި، އަމުރުވެރިކަމަށް ނަފުރަތުކުރާބައެކެވެ. މިހެން ކަންތައްދިމާވާނަމަ ފިރިންގެ ހިތުގައި އަނބިންގެ މައްޗަށް ނަފުރަތު އުފެދޭނެއެވެ. ވީމާ މިފަދަ ކަންކަމަށް އަނބިން ވަރަށްބޮޑަށް ސަމާލުވާންވަނެއެވެ.
9. ވާހަކައެއް ބުނަންއުޅޭއިރު ދުރުދުރުން ވާހަކަ ދެއްކުމަކީ އަންހެނުންގެ އާދައެކެވެ. އެހެންވުމުން ބައެއްފަހަރު ފިރިންނަށް އެވާހަކައެއް ދެނިގަންނަން އުނދަގޫވާ ފަަހަރު އާދެއެވެ. މިހެން ދިމާވެއްޖެނަމަ ކަންނުކުރެވުމުން މައްސަލަޖެހޭތަން އަންނާނެއެވެ. އަނބިމީހާ ބުނަންބޭނުންވާ ވާހަކައެއް ސީދަލަށް ބުނާށެވެ. ފިރިން ހިތްއެދޭގޮތަކީ އެއީ އެވެ. މިސާލަކަށް: ކުދިންބަލައި މިއަދު އަހަންނަށް ސްކޫލު ދޮށަކަށް ނުދެވޭނޭ ބުނުމުގެ ބަދަލުގައި ކަލާ މިއަދު އެކުދިން ސްކޫލުން ގެނެސްދީފާނަންހޭ އަހާލާށެވެ. ނޫނި ބާޒާރުން ގެންތަކެތި ހުރީ ކާރުގެ ޑިކީގައޭ ބުނުމުގެ ބަދަލުގައި އެތަކެތިގެނެސްދީފާނަންހޭ ބުނާށެވެ. ނޫނީ މިރޭ ކައްކާކަށް ވަގުތެއްނެތޭ ބުނުމުގެ ބަދަލުގައި މިރޭ ބޭރަށް ކާލަންދެވިދާނެހޭ ބުނެލާށެވެ.
( ނުނިމޭ )