ކުރިއަށް އޮތް ރޯދަ މަހު މަހު ބޭންކް އޮފް މޯލްޑިވްސް (ބީއެމްއެލް) އިން ހިދުމަތް ދޭ ވަގުތު އިތުރު ވާނެ ކަމަށް އެ ބޭންކުން ބުނެފި އެވެ.
ގައުމީ ބޭންކުން ބުނީ ރޯދަ މަހު މާލޭގައި ހުންނަ ބީއެމްއެލްގެ މައި ބްރާންޗުން ހިދުމަތް ދޭނީ ހެނދުނު 10:30 އިން ފެށިގެން މެންދުރު ފަހު 3:30 އަށް ބޭންކްގެ މެއިން ބްރާންޗް ހުޅުވާފައި ހުންނާނެ ކަމަށެވެ.
އަދި ބޭންކްގެ އެހެން ބްރާންޗްތައް ހުޅުވުމަށް ހަމަޖެހިފައި ވަނީ ހެނދުނު 10:30 އިން މެންދުރު ފަހު 1:00 އަށް ކަމަށެވެ.
މީގެ އިތުރަށް އެ ބޭންކްގެ ސެލްފް ސާވިސް އޭޓީއެމްތަކާއި ކޯލް ސެންޓަރުގެ ހިދުމަތް 24 ގަޑި އިރު ލިބޭނެ ކަމަށް ވެސް ބީއެމްއެލް އިން ބުނެ އެވެ.
ބީއެމްއެލް އިން ގާއިމުކޮށްފައިވާ ސެލްފް ސާވިސް ބޭންކިން ސެންޓަރުތައް މެދުވެރިކޮށް ކަސްޓަމަރުންނަށް ޑިޕޮސިޓް ކުރުމާއި، ފައިސާ ނެގުމާއި، ފައިސާ ފޮނުވުމުގެ ހިދުމަތް 24 ގަޑި އިރު ލިބޭނެ ކަމަށް ވެސް ބީއެމްއެލް އިން ބުނެ އެވެ.
އަދި ރާއްޖޭގައި މީހުން ދިރިއުޅޭ ހުރިހާ ރަށަކުން ކޭޝް އެޖެންޓުން މެދުވެރިކޮށް ފައިސާ ނެގުމުގެ ހިދުމަތް ރަމަޟާން މަހު ވެސް ލިބޭނެ ކަމަށް ބީއެމްއެލް އިން ބުންޏެވެ.