ސައުތު ޕޮލިސް ޑިވިޝަންގެ ކޮމާންޑަރު ޗީފް އިންސްޕެކްޓަރު އޮފް ޕޮލިސް އަހުމަދު ސަމީރު އައްޑޫ ގަމާއި ހިތަދޫ ޕޮލިސް ސްޓޭޝަންގައި މަސައްކަތް ކުރާ ފުލުހުންނާ ބައްދަލު ކުރައްވައިފި އެވެ.
ދެ ޕޮލިސް ސްޓޭޝަންގެ ފުލުހުންނާ ވަކިވަކިން ބޭއްވި މި ދެ ބައްދަލުވުމަކީ ސައުތު ޕޮލިސް ޑިވިޝަންގައި މަސައްކަތް ކުރާ ފުލުހުންނަށް ދިމާވާ ދަތިތައް އޮޅުންފިލުވައި އެ ދަތިތައް ހައްލުކުރުމަށް ކުރެވިދާނެ ކަންތައްތަކާ ބެހޭ ގޮތުން މަޝްވަރާ ކުރުމަށް ބޭއްވި ދެ ބައްދަލުވުމެއް ކަަމަށް ފުލުހުން ބުންޏެވެ.
އެގޮތުން މަސައްކަތް ކުރުމުގައި ދިމާވާ ދަތިތަކާއި މަސައްކަތްތައް ކުރިއަށްދާ ގޮތް ސަމީރު މި ދެ ބައްދަލުވުމުގައި ވަނީ އޮޅުންފިލުވައިފަ އެވެ.
އަދި،ރައްޔިތުންނަަށް ދެމުންގެންދާ ހިދުމަތް އިތުރަށް ހަރުދަނާކޮށް، ސައުތު ޕޮލިސް ޑިވިޝަނަށް ހުށަހެޅޭ މައްސަލަތަކުގެ ތަހުގީގު ވީހާވެސް އަވަހަށް ނިންމައި، ރައްޔިތުންގެ ހައްގު އެންމެ ފުރިހަމަ ގޮތުގައި ހޯދައި ދިނުމަށްޓަކައި މިހާރުން މިހާރަށް ރަނގަޅު ކުރަން ޖެހޭ ކަންތައްތައް ފާހަގަކޮށް އެ ކަންތައްތައް ރަނގަޅު ކުރުމަށް ކުރެވިދާނެ ކަންތައްތަކާ ބެހޭ ގޮތުން ވެސް ބައްދަލުވުމުގައި ވަނީ މަޝްރާކޮށްފައިވެ އެވެ.
ބައްދަލުވުމުގައި ގަމާއި ހިތަދޫ ޕޮލިސް ސްޓޭޝަންގައި މަސައްކަތް ކުރާ ހުރިހާ ފުލުހުން ބައިވެރިވި އެވެ.
މިއީ ކޮންމެ ދެ މަހުން އެއް މަހު ސައުތު ޕޮލިސް ޑިވިޝަންގައި މަސައްކަތް ކުރާ ފުލުހުންނާ ޑިވިޝަން ކޮމާންޑަރު ބައްދަލު ކުރައްވައި މަސައްކަތް ކުރިއަށްދާ ގޮތް އޮޅުންފިލުވުމަށް ސިލްސިލާކޮށް ބާއްވާ ބައްދަލުވުންތަކެއް ކަަމަށް ވެސް ފުލުހުން ބުންޏެވެ.