ހިތަދޫ ޕޮލިސް ސްޓޭޝަނާއި އައްޑޫގެ އަންހެނުންގެ ތަރައްގީ އަށް މަސައްކަތް ކުރާ ކޮމިޓީ ގުޅިގެން ހިތަދޫގައި ކުރިއަށް ގެންދިޔަ ކަސްރަތު ޕްރޮގްރާމު ނިމި ބައިވެރިންނަށް ހަނދާނީ ލިއުން ދީފި އެވެ.
"ދުޅަހެޔޮ މުޖުތަމައަކަށް ކަސްރަތު" މި ނަމުގައި ކުރިއަށް ގެންދިޔަ ކަސްރަތު ޕްރޮގްރާމު ނިންމުމުގެ ރަސްމިއްޔާތު ބާއްވާފައި ވަނީ ޝަރަފުއްދީނު ސްކޫލުގައެވެ.
މި ރަސްމިއްޔާތު ޝަރަފުވެރިކޮށް ދެއްވީ ނޭޝަނަލް އިންސްޓިޓިއުޓް ފި އެޑިއުކޭޝަންގެ ސުޕުރިންޓެންޑެންޓު ފާތިމަތު ނަސީރެވެ.
ދެ މަސް ދުވަހުގެ މުއްދަތަށް ހިތަދޫގެ ދެ ޖިންސްގެ މީހުންނަށް ހުޅުވާލައިގެން ކުރިއަށް ގެންދިޔަ މި ޕްރޮގްރާމު 150 ފަރާތަކުން ވަނީ ފުރިހަމަކޮށްފަ އެވެ.
ޕްރޮގްރާމުގައި ކަސްރަތު ކުރުމުގެ ކުލާސްތަކާއި ކަސްރަތު ކުރުމާއި ދުޅަހެޔޮ ސިއްހަތެއްގައި ހުރުމާ ގުޅޭ ގޮތުން ވެސް ވަނީ މަޢުލޫމާތު ދީފަ އެވެ.