މަހާއި މަހުގެ ބާވަތްތަކުން އުފައްދައިގެން ވިއްކާ ރާއްޖޭގެ މަޝްހޫރު ބްރޭންޑެއް ކަމަށްވާ އެންޒީން ޖޫސް ތައްޔާރުކޮށް ބާޒާރަށް ނެރެ، ވިއްކަން ފަށައި އެވެ.
އެންޒީން ބުނީ ތާޒާ މޭވާގެ ޖޫހުން ތައްޔާރުކޮށް ބާޒާރަށް މި ވަގުތު ނެރެފައި ވަނީ ދެ ރަހައެއްގެ ޖޫސް ކަމަށެވެ. އެއީ ކަރަ އާއި ލުނބޮ އެވެ. މީގެ ޖޫސް ފުޅިއެއް ވިއްކަނީ 25ރ. އަށެވެ.
އެންޒީގެ އުފެއްދުންތަކުގެ ތެރޭގައި ޓޫނާ އިން ޓޮމާޓޯ ސޯސް އާއި ގިތެޔޮ މިރުސް ސޯސް އަދި ކުޅި ކާޖާ ހިމެނެ އެވެ.
މީގެ އިތުރުން ވަޅޯ މަހާއި ރިހާކުރުގެ އިތުރުން ދަޅު މަހުގެ ބާވަތްތައް ހިމެނެ އެވެ.
އެންޒީން ބުނީ އެ ބްރޭންޑްގެ ތަފާތު އުފެއްދުންތައް އަދިވެސް ކުރިއަށް ހުރީ ކަމަށެވެ.
އެގޮތުން ކުރިއަށް އޮތް ތަނުގައި އިތުރު ރަހަތަކުގެ ޖޫސް ބާޒާރަށް ނެރޭނެ ކަަމަށް ބުންޏެވެ.