ރާއްޖޭން ޑްރަގުގެ މައްސަލަތައް ހުއްޓުވުމަކީ އުނަދަގޫ މަސައްކަތެއް ކަަމަށާއި އެކަމަށް ވަގުތު ނަގާނެ ކަމަށް ހޯމް މިނިސްޓަރު އުމަރު ނަސީރު މިއަދު ވިދާޅުވެއްޖެ އެވެ.
"ކުއްތާ އާއި ޓެގުން ވެސް ނަތީޖާއެއް ނުނިކުތް. މަރަަކަށް ފަހު މަރެއް. ޑްރަގް ވެސް" ތިޔާގި ނަމުގައި ރާއްޖެ އެމްވީން މިއަދު ގެނެސް ދީފައިވާ ރިޕޯޓަކަށް ޓްވިޓާގައި ދެއްވި ރައްދެއްގައި އުމަރު ވިދާޅުވީ މަސްތުވާ ތަކެތި ހުއްޓުވަން އުނދަގޫ ކަމަކަށް ވަނީ "ބޮވޭނެ، ބޯން ޖެހޭނެ" ޝިއާރާއަކާ އެކު އޭގެ ފަަހަތުގައި ހުރީ ޑްރަގް އެޑިޓެއް ކަމަށްވާތީ ކަމަށެވެ.
އުމަރު އެގޮތަށް އިޝާރާތް ކުރެއްވީ ކުރީގެ ރައީސް މުހައްމަދު ނަޝީދު ވެރިކަމުގައި ހުންނެވި ދުވަސްވަރު ދެއްކެވި ވާހަކައަކައަކާ ގުޅުވައިގެންނެވެ.
Fighting drugs is long & difficult because of the 'Boveyne Boan jeheyne', cult, with a drug addict as its leader. pic.twitter.com/DpOor5D0tB
— Umar Naseer (@UmarNaseerPPM) June 4, 2016
ރާއްޖޭން މަސްތުވާތަކެތި ހުއްޓުވަން އުމަރު ނީ ކުއްތާތަކެއް ގެނެސް، ދިވެފި ފުލުހުންގެ ތެރޭގައި ފާރަގެމަ ނަމުގައި ކުއްތާ ހިމެނޭ ފޯސްއެއް ވެސް އެކުލަވާލައިފަ އެވެ.
އަަދި ގޭންގް ހަރަކާތްތައް ހުއްޓުވަން މިދިޔަ މާޗް މަހުން ފެށިގެން ވަނީ ގޭންގްތަކުގައި ހަރަކާތްތެރިވާ މީހުންގެ ގައިގައި ޓެގް އަޅުވަން ވެސް ފަށައިފަ އެވެ.
އެކަމަކު މިއިން އެއްވެސް ފިޔަވަޅަކުން އެދެވޭ ނަތީޖާއެއް ފެންނަމުން ނުދާތީ އުމަަރަށް ވަރަަށް ބޮޑަށް ފާޑު ކިއުންތައް އަމާޒުވެފައިވެ އެވެ.