ކުރީގެ ދުނިޔޭގެ ހެވީ ވެއިޓް ޗެމްޕިއަން އަދި ކުޅިވަރު ދުނިޔޭގައި އެންމެ ނުފޫޒު ގަދަ ފަންނާނު ކަމަށްވާ އެމެރިކާގެ ބޮކްސިން ތެޅުންތެރިޔާ މުހައްމަދު އަލީ 74 އަހަރުގައި މަރުވެއްޖެ އެވެ.
އަލީ މަރުވެފައި ވަނީ ބުރާސްފަތި ދުވަހު ނޭވާލުމަށް އުނދަގޫވެ އެމެރިކާގެ އެރިޒޯނާގެ ހޮސްޕިޓަލެއްގައި އެޑުމިޓްކޮށް ފަރުވާ ދެމުން ދަނިކޮށެވެ.
ޕާކިންސަން ޑިސީސް ތަހައްމަލު ކުރަމުން ދިޔަ މުހައްމަދު އަލީ ނިޔާވެފަ އިވަނީ އަމިއްލަ ބާރުގައި ނޭވާ ނުލެވި މެޝިނެއްގެ އެހީ ހޯދަމުން ދަނިކޮށެވެ.
އޭނާގެ ޖަނާޒާ ބާއްވާނެ ކަމަށް ބެލެވެނީ އުފަން ރަށް ލުއިސްވިލް، ކެންޓަކީގައި ކަމަށް ބެލެވެއެވެ.
ޕްރޮފެޝަނަލް ބޮކްސިން އިން 1981 ވަނަ އަހަރު އަލީ ރިޓަޔާ ކޮށްފައިވާ އިރު އޭނާ ވަނީ ތަޅާފައިވާ 61 މެޗުގެ ތެރެއިން 56 މެޗުން މޮޅުވެފަ އެވެ.
ގަރުނުގެ ކުޅިވަރުގެ ޝަޚުސިއްޔަތުގެ ލަގަބު ލިބިފައިވާ އަލީ ވަނީ 1964 ވަނަ އަހަރު ދުނިޔޭގެ ޗެމްޕިއަންކަން ނަގައި އޭނާ އަކީ މުސްލިމެއް ކަން މުޅި ދުނިޔެ ކުރިމަތީ އިއުލާންކޮށް އިސްލާމްވެފަ އެވެ.
ކްލެއިގެ ނަމުން މުހައްމަދު އަލީގެ ނަމަށް ބަދަލުކޮށް ދުނިޔޭގެ އެތައް މުސްލިމުންނަށް ހިތްވަރާއި ނަސޭހަތް ދިނުމުގައި އޭނާގެ ދުވަސްތައް ހޭދަކޮށްފަ އެވެ.