ޖަޕާންގެ ކޮކާ ކޯލާ ކުންފުނިން ރޭގަނޑު ނިދަން އުނދަގޫވާ މީހުންނަށް ހާއްސަކޮށްގެން ބުއިމެއް ތައާރަފުކޮށްފި އެވެ.
އެއްވެސް ވަރަކަަށް ކެފެއިން ނުހިމެނޭ ގޮތަށް ތައްޔާރުކޮށްފައިވާ މި ބުއިމަށް ދީފައިވާ ނަމަކީ "ގްލެޝޯ ސްލީޕް ވޯޓާ" އެވެ.
ޖަޕާންގެ ކޮކާ ކޯލާ އިން ބުނީ މި ބުއިން ތައްޔާރުކޮށްފައި ވަނީ އެލް-ތީނައިން ކިޔާ އެމިނޯ އެސިޑެއް ބޭނުންކޮށްގެން ކަމަށެވެ.
އެހެންވެ "ގްލެޝޯ ސްލީޕް ވޯޓާ" ބުއިމުން ހާސްކަމާއި ފިކުރުތަކުން ދުރުކޮށްދީ، ރޭގަނޑު އަރާމުކަމާ އެކު ނިދަން މަގުފަހިކޮށްދެ އެވެ.
"މިއީ ނިދާލުމުގެ ކުރިން ބޯލަން ރަނގަޅު ބުއިމެއް. އަނގަޔަށް މީރު، ވަރަށް ލުއި ބުއިމެއް މިއީ،" ޖަޕާންގެ ކޮކާ ކޯލާގެ އޮފިޝަލަކު ބުންޏެވެ.
"ގްލެޝޯ ސްލީޕް ވޯޓާ" އާންމުންގެ މެދުގައި މަގުބޫލު އެއްޗަަކަށް ހެދުމަށް މިހާރު އަންނަނީ ޖަޕާނުގައި މާކެޓިން ކެމްޕޭންތަކެއް ވެސް ހިންގަމުންނެވެ.