މެޓްފޯމިން ކިޔާ ބޭހަކުން އުރަމަތީގެ ކެންސަރަށް ޝިފާ ލިބޭ ކަމަށް ފަހުގެ ދިރާސާއަކުން ދައްކައިފި އެވެ.
މެޓްފޯމިންއަކީ ޓައިޕް 2 ޑައިބެޓީސް އަށް ފަރުވާ ދޭން އާންމު ގޮތެއްގައި ބޭނުން ކުރާ ބޭހެކެވެ.
އެކަމަކު މެޓްފޯމިިން އާ ގުޅޭ ގޮތުން ހެދި ދިރާސާއިން ދެއްކި ގޮތުގައި ހަކުރު ބައްޔަށް ފަރުވާ ހޯދަން ބޭނުން ކުރާ މި ބޭހުން އުރަމަތީގެ ކެންސަރަށް ވެސް ފަރުވާ ލިބޭކަމުގެ ނިޝާންތަކެއް ވަނީ ފެނިފަ އެވެ.
މެޓްފޯމިން އިން އުރަމަތީގެ ކެންސަރަށް އެއްވެސް ވަރެއްގެ ހެޔޮ ބަދަލެއް ގެނުވައި ދޭތޯ ބަލަން އުރަމަތީގެ ކެންސަަަރަށް ފަރުވާ ހޯދާ 1،215 މީހުން ބޭންކޮށްގެން ހެދި ދިރާސާ އިން ދެއްކީ ވަރަށް އުންމީދީ ނިޝާންތަކެއް ކަމަށް ދިރާސާ ހެދި ފަރާތްތަކުން ބުންޏެވެ.
މީގެ ތެރެއިން 97 ޕަސަންޓް މީހުންނަކީ އުރަމަތީގެ ކެންސަރު ޖެހުމުގެ ކުރިން މެޓްފޯމިން އެކި މަރުހަލާތަކުގައި ބޭނުންކޮށްފައިވާ މީހުންނާއި ބަލީގެ ޝިކާރައަކަށްވި ފަހުން އެ ބޭސް ބޭނުން ކުރަން ފެށި މީހުންނެވެ.
ދިރާސާ އިން ދެއްކި ނަތީޖާއަކީ އުރަމަތީގެ ކެންސަރު ޖެހުމުން މެޓްފޯމިން ބޭނުން ކުރުމުން ސަލާމަތްވުމުގެ ފުރުސަތު 50 ޕަސަންޓް ބޮޑުކޮށްދެ އެވެ.
އެހެންވެ މި ބޭހުގެ ތަޖުރިބާ ކުރިއަށް އޮތް ތަނުގައި އުރަމަތީގެ ކެންސަރަށް ފަރުވާ ހޯދުމުގައި ބޭނުން ކުރާނެ އެވެ. މިކަމަށް ކުރަން ޖެހޭ އިތުރު ތަހުލީލުތައް ސިއްހީ ދާއިރާގެ ތަޖުރިބާކާރުން މިހާރު ވެސް ގެންދަނީ ކުރަމުންނެވެ.