މޯލްޑިވްސް އިސްލާމިކް ބޭންކް (އެމްއައިބީ) މެދުވެރިކޮށް، ހައްޖު ކޯޕަރޭޝަންގެ ހިދުމަތްތަކަށް ފައިސާ ދެއްކޭނެ އިންތިޒާމް ހަމަޖައްސައި، އެ ހިދުމަތް މިއަދު ރަސްމީކޮށް އިފުތިތާހުކޮށްފި އެވެ.
ޗަމްޕާ ސެންޓްރަލް ހޮޓެލްގައި މިއަދު ބޭއްވި ބޭއްވި ރަސްމިއްޔާތެއްގައި ހިދުމަތް ތައާރަފުކޮށް ދެއްވީ ފިނޭންސް މިނިސްޓަރު އަބްދުﷲ ޖިހާދެވެ.
އެމްއައިބީން ބުނީ ހައްޖު ކޯޕަރޭޝަންގެ ހިދުމަތްތަކަށް ފައިސާ ދެއްކުމުގެ ހިދުމަތް ކަސްޓަމަރުންނަށް އާންމުކޮށް ހުޅުވާލާނީ މި މަހުގެ 16 އިން ފެށިގެން ކަމަށެވެ.
އެގޮތުން އަތޮޅު ތެރޭގައި ހުންނަ އެމްއައިބީގެ ބްރާންޗްތަކުން ވެސް ހިދުމަތް ލިބޭނެ އެވެ.
ހައްޖު ކޯޕަރޭޝަނަކީ ހައްޖާއި އުމުރާގެ އަޅުކަން ފުރިހަމަ ކުރަން ދާން ބޭނުންވާ ފަރާތްތަަކަށް ހިދުމަތް ދެމުން އަންނަ ސަރުކާރު ސައްތަ އިން ސައްތަ ހިއްސާވާ ކުންފުންޏެކެވެ.