މިދިޔަ އަހަރުގެ މޭޑޭ އާ ގުޅިގެން ކުރީގެ ނައިބް ރައީސް އަހްމަދު އަދީބު ފިސްތޯލަ ގެންގުޅުނު ކަމަށްވާ މައްސަލާގައި އޭނާގެ މައްޗަށް އުފުލި ޓެރަރިޒަމްގެ ދަައުވާ ސާބިތުވެ 10 އަހަރަށް ޖަލަށް ލާން ކްރިމިނަލް ކޯޓުން މިރޭ ހުކުމްކޮށްފި އެވެ.
އަދީބަށް ހުކުމް ކުރީ ގައުމީ ސަލާމަތަށްޓަކައި ކަމަށް ބުނެ ސިއްރުކޮށްގެން ބޭއްވި ޝަރީއަތުގެ އަޑު އެހުމެއްގަ އެވެ.
އަދީބުގެ މައްޗަށް ދައުލަތުން ކުރާ ދެ ދައުވާއެއްގެ އަޑުއެހުންތައް ނިންމާލީ މިއަދު އެވެ.
މިއަދު އަޑުއެހުންތައް ނިންމާލީ ޅ. މާބިންހުރާ ކުއްޔަށް ދިނުމަށް ފަހު ދައުލަތަށް ލިބެން ޖެހޭ ފަސް މިލިއަން ޑޮލަރުގެ މައްސަލާގައި އުފުލާފައިވާ ހިޔާނާތުގެ ދައުވާ އާއި މިދިޔަ މޭ ޑޭގައި އަދީބް ގެންގުޅުއްވި ކަމަށް ބުނާ ފިސްތޯލައިގެ މައްސަލާގައި އުފުލާފައިވާ ޓެރަރިޒަމްގެ ދައުވާގެ އަޑުއެހުންތަކެވެ.
ގައުމީ ސަލާމަތަށް ނުރައްކާވެދާނެތީ ކަމަށް ބުނެ މި ދެމައްސަލައިގެ ހުލާސާ ބަޔާން އިއްވުމަށް ބޭއްވި އަޑުއެހުން ވަނީ ސިއްރުކޮށްފަ އެވެ.