މާލޭގެ އައިޖީއެމްއެޗްގެ ހިދުމަތް ފުޅާ ކުރުމުގެ ގޮތުން އެ ތަނުގައި ނެޝަނަލް ޑަޔަގްނޯސްޓިކް ސެންޓަރެއް ގާއިމު ކުރި ނަމަވެސް ރާއްޖޭގެ އެންމެ ދެކުނުން އައްޑޫގައި ވެސް އެފަދަ ސެންޓަރެއް ގާއިމު ކުރައްވާނެ ކަަމަށް ރައީސް އަބްދުﷲ ޔާމީން ރޭ ވިދާޅުވެއްޖެ އެެވެ.
ނެޝަނަލް ޑަޔަގްނޯސްޓިކް ސެންޓަރުގެ ބިންގާ އެޅުމާއި، ނެޝަނަލް ކާޑިއެކް ސެންޓަރު އަދި އައިޖީއެމްއެޗްގެ ކޮންފަރެންސް ފެސިލިޓީ އިފްތިތާހޖު ކުރަން ރޭ ބޭއްވި ރަސްމިއްޔާތު ރައީސް ވިދާޅުވީ އައްޑޫގައު އެފަދަ ސެންޓަރެއް ގާއިމު ކުރަނީ އައްޑޫގެ ސިއްހީ ހިދުމަތް ތަރައްގީ ކުރުމުގެ ގޮތުން ކުރިއަށް ގެންދަން ރާވާފައިވާ މަޝްރޫއުގެ ދަށުން ކަމަށެވެ.
އެހެން ނަމަވެސް މިކަމާ ބެހޭ އެއްވެސް ތަފުސީލެއް ރައީސް ނުދެއްވަ އެވެ.
އައްޑޫގައި 100 އެނދުގެ ހޮސްޕިޓަލެއް އަޅަން ބޭރުގެ ދެ ފަރާތަކުން ލޯން ލިބިފައި ވަނިކޮށް، އެ މަޝްރޫއު ހުއްޓާލައި ސަރުކާރުން ފަހުން ބުނެފައި ވަނީ 100 އެނދުގެ ހޮސްޕިޓަލް ގާއިމު ކުރަނީ އައްޑު އިކްޓޯރިއަލް ކޮންވެންޝަން ސެންޓަރު (އީސީސީ) ގައި ކަމަށެވެ.
ސަރުކާރުން މިކަން އިއުލާން ކުރި ނަމަވެސް މިކަމާ ގުޅޭ އެއްވެސް ކަމެއް މި ވަގުތު ކުރިއަށްދާ ކަމެއް އެނގިފައެއް ނެތެވެ.
ރައީސް ރޭ ވިދާޅުވީ ރާއް ޖެއަށް އެންމެ ބޮޑަށް އަޅާލުންތެރިކަން ބޭނުންވާ އެއް ދާއިރާގެ ގޮތުގައި ޞިއްޙީ ދާއިރާ ފާހަގަ ކުރެވިފައިވުމާއެކީ، ސަރުކާރުގެ ޢަމާޒަކީ ޞިއްޙީ ދާއިރާގެ ލަނޑުދަނޑިތައް ހާޞިލް ކުރުމަށް ބޮޑެތި އެތައް މަސައްކަތްތަކެއް ކުރުން ކަމަށެވެ.