ފެން ބޯން އާންމުކޮށް ގެންގުޅޭ ފުޅީގެ ސާފު ތާހިރުކަމާ ދޭތެރޭ ފަރުވާ ކުޑަކޮށްލައިފި ނަމަ، ސިއްހީ ގޮތުން ނުރައްކާތަކަކާ ކުރިމަތިލާން ޖެހިދާނެ އެވެ.
ފަހަކަށް އައިސް ވަަރަށް ގިނަ މީހުންނަކީ އާންމުކޮށް ޕްލާސްޓިކް ފެންފުޅިއެއް ގެންގުޅޭ މީހުންނެވެ.
މިހާރު ވަރަށް ރީތި ކުލަކުލައިގެ ފެން އަޅާ ޕްލާސްޓިކް ފުޅިތައް ހުރެ އެވެ. ފްރިޖެއް ހުޅުވާލައިފި ނަމަ، މިފަދަ ފުޅިތައް އާންމުކޮށް ފެންނާނެ އެވެ.
އެކަމަކު ރީތި ފުޅިއަކުން ފެން ބޯލުމަކުން އަދި ނިމުނީކީ ނޫނެވެ. އެ ފުޅީގެ ރީތިކަމާއި ސާފު ތާހިރު ކަމަށް އަބަދު ވެސް ހާއްސަ ސަމާލު ކަމެއް ދޭން ޖެހޭނެ އެވެ.
ހާއްސަކޮށް ފުޅިން ފެން ބޮނީ ތުން ޖަހައިގެން ކަމަށްވާ ނަމަ ފުޅީގެ އެތެރޭގައި ނުރަނގަޅު ބެކްޓްރީތައް އަށަގަނެ، ފުޅި ތައައްޔަރުވުމުގެ ފުރުސަތު ވަރަށް ބޮޑެެވެ.
ސިއްހީ ތަޖުރިބާކާރުން ބުނަނީ ފެން ބޯން ގެންގުޅި ކޮންމެ ދުވަހަކު ވެސް ސައިނޯބި ލައިގެން ރީތިކޮށް، އޮފް އަރަންދެން ދޮންނަން ޖެހޭނެ ކަމަށެވެ.
މިގޮތަށް ފުޅީގެ ސާފު ތާހިރުކަން ދަމަހައްޓަން ސަމާލުކަން ނުދޭ ނަމަ އެފަދަ ފުޅިތަކުން ފެން ބުއިމަކީ ރައްކާތެރި ކަމެއް ނޫނެވެ.
އަދި ފުޅި ގިނަ ދުވަސްވުމުން ބޭނުން ކުރުން ހުއްޓާލަން ޖެހެ އެވެ. އެހެންވެ އެއްް ފުޅިއެއް މާ ގިނަ ދުވަހު ބޭނުން ނުކުރާށެވެ.
އެގޮތަށް ގިނަ ދުވަހަށް އެއް ފުޅިއެއް ބޭން ކުރާ ނަމަ އެފަދަ ފުޅިިއަކީ ވެސް ފެން ބޯން ރައްކާތެރި ފުޅިއަކަށް ނުވާނެ އެވެ.
ކުރަން ޖެހޭ ކަމަކީ ކޮންމެ ދުވަހަކު ވެސް ފެން ބޯން ގެންގުޅޭ ފުޅި ރީތިކޮށް ދޮވެގެން ފެން އަޅައިގެން ބޭނުން ކުރުމެވެ.