ހިތަދޫ ނޫރުލް އިސްލާމް ޖަމިއްޔާ އިން ކުރިއަށް ގެންދާ އެހީގެ ޕްރޮގްރާމްގެ ދަށުން ހިތަދޫ ރީޖަނަލް ހޮސްޕިޓަލް (އެޗްއާރްއެޗް) ގައި ތިބި ބަލި މީހުނަނަށް ރޯދަ ވީއްލުން ހަދިޔާކޮށްފި އެވެ.
އެ ޖަމިއްޔާ އިން ބުނީ އިއްޔެ ފޯރުކޮށް ދިން އެހީ ހޮސްޕިޓަލްގައި ތިބި ހުރިހާ ބަލި މީހުންނަަށް ފޯރުކޮށް ދީފައިވާ ކަމަށެވެ. މިކަން ކުރިއަށް ގެންދިޔައީ ޖަމިއްޔާގެ އިސް އޮފިޝަލުންތަކެއް ހޮސްޕިޓަލަށް ޒިޔާރަތް ކުރައްވަ އެވެ.
ނޫރުލް އިސްލާމް ޖަމިއްޔާއަކީ ރޯދަ މަހު ރައްޔިތުންނަށް ވަރަަށް ބޮޑެތި އެހީތަކެއް ފޯރުކޮށް ދެމުން އަންނަ ޖަމިއްޔާއެކެވެ.
އެގޮތުން ނިކަމެތި ފަގީރު އާއިލާތައް ހޯދައި، އެ އާއިލާތަކަށް ރޯދަ މަހު ބޭނުންވާ އަސާސީ ބާވަތްތަކުން އެހީ ފޯރުކޮށް ދެމުން އަންނަކަން ފާހަގަކޮށްލެވެ އެވެ.
އަދި ދީނީ ތަފާތު ޕްރޮގްރާމްތައް ވެސް ރޯދަ މަހު ގިނަ އަދަދަކަށް ނޫރުލް އިސްލާމުން ހިންގަ އެވެ.