އެވަކާޑޯއަކީ ދިވެހިން އެހާ އާންމުކޮށް ބޭނުން ކުރާ މޭވާއެއް ނޫނެވެ. އެކަމަކު އެވަކާޑޯއަކީ މިހާރު ބާޒާރުން ފަސޭހަކަމާ އެކު ލިބެން ހުންނަ ބާވަތެކެވެ.
އެވަކާޑޯއަކީ ފައިދާތައް ގިނަ މޭވާއެކެވެ. އެެހެންވެ މި މޭވާގެ ބޭނުން ހިފަން ވާނެ އެވެ. މިއީ ޖޫސް ގިރައިގެންނާއި ސެލަޑް ހަދާލަން ވެސް ފައްކާ މޭވައެކެވެ.
ސިއްހީ ތަޖުރިކާބާރުން ބުނާ ގޮތުގައި އެވަކާޑޯގައި ގިނަ އަދަދަކަށް ވިޓަމިން ބީ6 އާއި ފޮލިކް އެސިޑް އެކުލެވިގެންވެ އެވެ.
އެހެންވެ މި މޭވާ އާދަކޮށް ބޭނުން ކުރާ ނަމަ ހިތުގެ މައްސަލަތަކުން ދުރުހެލިކޮށްދެ އެވެ.
ކޮލެސްޓްރޯލް ލެވެލް ދަށް ކުރުމަށް ވެސް އެވަކާޑޯއަކީ އެހީތެރުވެދޭ އެއްޗެެކެވެ. އޭގައި ވަރަށް މަތީ މިންވަރަކަށް ސިޓޮސްޓެރޯލް އެކުލެވިގެންވުުމުގެ ނަތީޖާއަކީ އެވަކާޑޯ ބޭނުން ކުރުމުން ހަށިގަނޑުގެ ކޮލެސްޓްރޯލް މިންވަރު ކޮންޓްރޯލްކޮށް ދިނުމެވެ.
ލޮލުގެ ފެނުމުގައި މައްސަލަތައް ހުންނަ މީހުން ވެސް އެވަކާޑޯ ކާށެެވެ. އޭރުން ލޮލުގެ މައްސަލަތަކަށް ފަރުވާ ލިބެ އެވެ.
އެވަކާޑޯގައި އެކުލެވޭ ކެރަޓަނޮއިޑް ލުޓެއިންގެ ސަބަބުން އުމުރުން ދުވަސްވުުމުން ލޮލުގެ އަލި ކަމަށް ދިމާވާ މައްސަލަތައް ކުޑަކޮށްދެ އެވެ.
ހަމަ މިއާ އެކު އެވަކާޑޯއަކީ ސްޓްރޯކް ޖެހުމުން ވެސް ދުރުކޮށް ދޭ މޭވާއެކެވެ. އޭގައި ގިނަ އަދަދަލަށް ފޮލޭޓް އެކުލެވިފައިވުމަކީ އޭގެ އެއް ސަބަބެވެ.
ހަންގަނޑު އުޖާލާކޮށް ރީތިކޮށް ބަހައްޓަން ވެސް އެވަކާޑޯއަކީ މޮޅު ފަރުވާއެލެވެ.
އޭގެ އެއް ހެއްކަކީ ފޭޝަން ވޮޝް ފަދަ ބާވަތްތައް ވެސް އުފައްދަން އެވަކާޑޯ ބޭނުން ކުރާތީ އެވެ. އެވަކާޑޯގައި އެކުލެވޭ ތެލަކީ ހަންގަނޑަށް ތާޒާކަމާއި ފަރިކަން ގެނުވައިދޭ އެއްޗެކެެވެ.
އެހެންވެ ކޮންމެވެސް މިންވަރަަަަކަށް އެވަކާޑޯ ބޭނުން ކުރެވޭތޯ ބަލާށެވެ.