ރައީސް އަބްދުﷲ ޔާމީންގެ ދެކަނބަލުން ދަތުރު ކުރެއްވި ފިނިފެންމާ ލޯންްޗްކޮޅުގައި އެއްޗެއް ގޮއްވާލި މައްސަލާގައި ކުރީގެ ނައިބް ރައީސް އަހުމަދުގެ މައްޗަށް ކުރި ޓެރަރިޒަމްގެ ދައުވާ ސާބިތުވެ އޭނާ 15 އަހަރަށް ލާން މިރޭ ކްރިމިނަލް ކޯޓުން ހުކުމްކޮށްފި އެވެ.
އަދީބުގެ މައްޗަށް މިރޭ 15 އަހަރުގެ ޖަލު ހުކުމެއް އައި އިރު، މިދިޔަ އަހަރުގެ މޭޑޭގައި ފިސްތޯލައެއް ގެންގުޅުނު ކަމުގެ ވެސް ސާބިތުވެ 10 އަހަރަށް ލާން ވަނީ ހުކުމްކޮށްފަ އެވެ.
މީގެ އިތުރުން އަނެއްކާ މާދަމާ ރޭ ވެސް އަދީބުގެ މައްޗަށް އިތުރު ހުކުމެއް އިއްވުން އޮންނާނެ އެވެ.
އެއީ އެމްއެމްޕީއާރްސީގެ ފައިސާ އަށް ހިޔާނާތްތެރިވި ކަމުގެ ތުހުމަތުގައި ކުރާ ދައުވާއަށެވެ. ހުކުމް ކުރުން އޮންނާނީ މާދަމާ ރޭ 10:00 ގަ އެވެ.
އަދީބާ އެކު އޭނާގެ ދެ ބޮޑީގާޑުން ކަމަަށްވާ މއ. ސިގްމާ ހަސަން ރިކާޒާއި ލ. ދަނބިދޫ އަފްޒާ އަހުމަދު އާމިރު ވެސް ޖަލަށް ލާން މިރޭ ހުކުމްކޮށްފައިވެ އެވެ.
އެ ދެ މީހުންނަށް އިއްވީ 10 އަހަރުގެ ޖަލު ހުކުމެކެވެ.