އަދިތިޔާ ޗޯޕްޅާ މިހާރު ޑައިރެކްޓް ކުރަމުން އަންނަ ލޯބީގެ ފިލްމް "ބޭފިކްރް" މި އަހަރުގެ ޑިސެމްބަރު ނުވައެއްގައި ރިލީޒް ކުރާ ގޮތަށް ނިންމައިފި އެވެ.
އެ ތާރީހުގައި ފިލްމް ރިލީޒް ކުރަން ނިންމީ އެއީ އަދިތިޔާ އާއި ބަތަލާ ރާނީ މުކަރްޖީގެ ފުރަތަމަ ދަރިފުޅު އަދީރާގެ ފުރަަތަަމަ އުފަން ދުވަސް ކަމަށް ވުމާ އެކުގަ އެވެ.
"ބޭފިކްރް" ގައި ލީޑް ރޯލް ކުޅެނީ ޒުވާން ދެ ތަރިން ކަމަށްވާ ރަންވީރު ސިންގާއި ވާނީ ކަޕޫރެވެ. ފިލްމު ޝޫޓް ކުރަމުން އަންނަނީ ފްރާންސްގަ އެވެ.
މިއީ ޝާހްރުކް ހާން ހިމަނައިގެން މިހާތަނަށް ތިން ފިލްމް ޑައިރެކްޓް ކުރި އަދިތިޔާ ޝާހްރުކާ ނުލައި ފިލްމެއް ހަދާ ފުރަތަމަ ފަހަރެވެ.
"ދިލްވާލޭ ދުލްހަނިޔާ ލޭޖާއޭގޭ" އިން 1995 ވަނަ އަހަަރު ޑައިރެކްޝަނަށް ނިކުތް އަދިތިޔާ އެންމެ ފަހުން ޑައިރެކްޓް ކުރީ ޝާހްރުކް ހާނާ އެކު އަނުޝްކާ ޝަރްމާ ބޮލީވުޑަށް ލޯންޗް ކުރި ފިލްމް 2008 ގެ ފިލްމް "ރަބް ނެ ބަނާދީ ޖޯޅީ" އެވެ.
ބައެއް މީޑިއާ ރިޕޯޓްތައް ބުނާ ގޮތުގައި "ބޭފިކްރް" ގެ ވަަރަށް ހާއްސަ ފެނިލުންތަކުން ރާނީ އާއި އަދީރާގެ އިތުރުން އަދިތިޔާގެ މަންމަ ޕަމޭލާ ޗޯޕްޅާ ވެސް ފެނިގެން ދާނެ އެވެ.