މަރަދޫ ގޯދިއްޔާ ޖަމިއްޔާއިން އިންތިޒާމުކޮށްގެން ބާއްވާ "ބެޓީ ކްރޮކާ ގޯދިއްޔާ ފުޓްސަލް ކަޕް 2016″ މި މަހުގެ 12 ވަނަ ދުވަހު ފަށާ އިރު، މުބާރާތް ހުޅުވާ މެޗްގައި މިޔަ އަހަރުގެ ޗެމްޕިއަން ފޭދޫ އެފްސީ ހަބޭހާއި ހިތަދޫ މަލްޓި ޖީނިއަސް ސިޓީ ބައްދަލު ކުރާ ގޮތަށް ހަމަޖަހިއްޖެ އެވެ.
ޖުމްލަ 20 ޓީމް ވާދަ ކުރާ މުބާރާތުގެ ގުލުރުން ބާއްވާފައިވާ އިރު، މުބާރާތް ކުރިއަށް ދާނީ ހަތަރު ގްރޫޕަކަށް ބަހާލައިގެންނެވެ.
ކޮންމެ ގްރޫޕެއްގައި ހިމެނޭނީ ފަސް ޓީމެވެ.
މުބާރާތް ހުޅުވާ ރޭ އިތުރު މެޗެއް ވެސް ކުޅޭނެ އެވެ. އެ މެޗްގައި ބައްދަލު ކުރާނީ ފޭދޫ ޔޫތު ކޮމިއުނިޓީ (އެފްވައިސީ) އާއި މާކިއުރީ ޔުނައިޓެޑެވެ.
އަންނަ މަހުގެ ފަސް ވަނަ ދުވަހާ ހަމަށް ކުރިއަށްދާ މުބާރާތުގެ ޗެމްޕިއަން ޓީމަށް މި ފަހަރު ހުށަހަޅާފައި ވަނީ 65،000ރ. އެވެ. މި މުބާރާތް ކުރިއަށްދާނީ، އަންނަ މަހުގެ ފަސްވަނަ ދުވަހުގެ ނިޔަލަށެވެ.
ރަނަރަޕް ޓީމަށް ލިބޭނީ 25،000ރ. އެވެ.
މި މުބާރާތުގެ މެޗުތައް ކުޅޭނީ ކުރީ އަހަރުތަކެކޭ ވެސް އެއްގޮތަށް މަރަދޫ ވެންބޮޅަފިށި ސްޓޭޑިއަމްގައި ރޭގަނޑު އެވެ.