މަރަދޫ ގޯދިއްޔާ ޖަމިއްޔާ އިން ބާއްވަމުން އަންނަ ފުޓްސަލް މުބާރާތް "ބެޓީ ކްރޮކާ ގޯދިއްޔާ ފުޓްސަލް ކަޕް 2016" މިރޭ ފަށާނެ ކަމަށް އެ ޖަމިއްޔާ އިން ބުނެފި އެވެ.
ޖުމްލަ 20 ޓީމް ވާދަ ކުރާ މި މުބާރާތް ހުޅުވާ މެޗްގައި ބައްދަލު ކުރާނީ މިދިޔަ އަހަރުގެ ޗެމްޕިއަން ފޭދޫ އެފްސީ ހަބޭހާއި މަަރދޫ މަލްޓި ޖީނިއަސް އެވެ. މި މެޗް ފަށާނީ 10:00 ގަަ އެވެ.
މިރޭ ކުޅޭ ދެވަނަ މެޗްގައި ބައްދަލު ކުރާނީ ފޭދޫ ޔޫތު ކޮމިއުނިޓީ (އެފްވައިސީ) އާއި މާކިއުރީ ޔުނައިޓެޑެވެ. މި މެޗް ފަށާނީ 11:00 ގަ އެވެ.
މި ރެއިން ފެށިގެން އަންނަ މަހުގެ ފަސް ވަނަ ދުވަހާ ހަމަށް ކުރިއަށްދާ މުބާރާތުގެ ޗެމްޕިއަން ޓީމަށް މި ފަހަރު ހުށަހަޅާފައި ވަނީ 65،000ރ. އެވެ.
މި މުބާރާތް ކުރިއަށްދާނީ، އަންނަ މަހުގެ ފަސްވަނަ ދުވަހުގެ ނިޔަލަށެވެ.
ރަނަރަޕް ޓީމަށް ލިބޭނީ 25،000ރ. އެވެ.
މި މުބާރާތުގެ މެޗުތައް ކުޅޭނީ ކުރީ އަހަރުތަކެކޭ ވެސް އެއްގޮތަށް މަރަދޫ ވެންބޮޅަފިށި ސްޓޭޑިއަމްގައި ރޭގަނޑު އެވެ.