އެމެރިކާގެ ފްލޮރިޑާގެ ކުލަބަކަށް ވަދެ ބަޑި ޖަހައި 50 މީހުން މަރުވެ 50 އަށް ވުރެ ގިނަ މީހުން ޒަހަމްވެއްޖެ އެވެ.
ހަބަރު ލިބޭގޮތުގައި މިކުލަބަކީ އެމެރިކާގެ އެއްޖިންސުން ގުޅުން ހިންގާ މީހުންނަށް ހާއްސަ ކުލަބެކެވެ.
ސީއެންއެން އިން ރިޕޯޓު ކޮށްފައިވާގޮތުން މި ގަތުލު އާންމު ހިންގާފައިވަނީ އުމަރު މަތީން ނަމަކަށް ކިޔާ މީހެކެވެ. އޭނާ މިހާދިސާގެ ކުރިން ފުލުހުންނަށް ގުޅައި އޭނާ އަކީ އައިސިސް އަށް ތާއީދު ކުރާ މީހެއް ކަމަށާއި ބޮސްޓަން ބޮމުގެ ހާދިސާގެ ވާހަކަ ދައްކާފައިވެއެވެ.
އުމަރު މަތީނަކީ ސެކިއުރިޓީ ގާޑެއްގެ ވަޒީފާ އަދާ ކުރާ މީހަކަށް ވެފައި މިހަމަލާގައި ބޭނުން ކުރި ބަޑިތައް ގަނެފައިވަނީ އެގައުމުގެ ގާނޫނާ ހިލާފު ގޮތަކަށް ނޫނެވެ.
އެފްބީއައި އިން އުމަރު މަތީނާ ގުޅޭ ބައެއް ތަހުގީގު ކޮށްފައި ވާކަމަށާއި ނަމަވެސް އެއީ މުޅިން އޭނާއާ ގުޅޭ ތަހުގީގުތަކެއް ނޫން ކަމަށް ބައެއް އެމެރިކާގެ ހަބަރު ފަތުރާ ވަސީލަތްތަކުން ހާމަކޮށްފައިވެއެވެ. އަދި އުމަރު މަތީނަކީ މީގެ ކުރިންވެސް އެއް ޖިންސުގެ ބައިވެރިންނަށް ނަފްރަތު ކުރާކަން ހާމަކޮށްފައިވާ މީހެއް ކަމަށްވެސް ރިޕޯޓުކޮށްފައިވެއެވެ.
މިއީ ސެޕްޓެމްބަރު 11 2001 ގެ ފަހުން އެމެރިކާއަށް ދީފައިވާ އެންމެ ބޮޑު ހަމަލާއެވެ
އެމެރިކާއަކީ އެއްޖިންސުގެ މީހުންނަށް ކައިވެނި ހުއްދަ ކޮށްފައި އޮތް ގައުމެކެވެ.