ޔޫރޯ 2016 ގައި ގްރޫޕް ޑީ ގެ ސްޕެއިން އަދި ޗެކް ރިޕަބްލިކް ބައްދަލު ކުރި މެޗު 0-1 ގެ ނަތީޖާއިން ސްޕެއިން ކާމިޔާބުކޮށްފި އެވެ.
މެޗުގެ ބޮޑުބައި ގޯލެއް ނުފެނި ގޮސްފައިވާ އިރު ގިނަ ފުރުސަތުތަކެއް އުފައްދައި ގޯލާ އަމާޒުކޮށް ހަމަލާ ފޮނުވާފައި ވަނީ ސްޕެއިން އެވެ.
އަށް ހަމަލާއެއް ގޯލާ އަމާޒު ނުވެ ސްޕެއިން ފޮނުވާލާފައިވާ އިރު 7 ހަމަލާއެއް ގޯލާ އަމާޒުކޮށްފައިވެ އެވެ.
މެޗުގައި ފެނިގެން ދިޔަ ހަމައެކަނި ގޯލު 87 ވަނަ މިނެޓުގައި ސްޕެއިންއަށް ކާމިޔާބުކޮށް ދީފައި ވަނީ ބާސެލޯނާގެ ޑިފެންޑަރު ޖެރާޑް ޕީކޭ އެވެ.
ޗެކް ރިޕަބްލިކް އިން މުޅިއެކު 4 ހަމަލާއެއް އުފައްދާފައިވާ އިރު 3 ހަމަލާ އެއް ގޯލާ އަމާޒުކޮށްފައިވެ އެވެ.
މި ގްރޫޕުގެ ދެން އޮތް ދެޓީމު ކަމަށްވާ ތުރުކީ އަދި ކްރޮއޭޝިޔާ އިއްޔެ ކުޅުނު މެޗް ވެސް ނިމިފައި ވަނީ 0-1 ގެ ނަތީޖާއަކުންނެވެ.
މިރޭ ދެން ކުޅޭނީ ގްރޫޕް އީ ގެ މެޗުތަކެވެ. ރާއްޖެ ގަޑިން މިރޭ 9:00 ގައި އަޔަލޭންޑް އަދި ސްވިޑެން ބައްދަލު ކުރާ އިރު ދަންވަރު 00:00 ގައި ބެލްޖިއަމް އަދި އިޓަލީ ކުޅޭ މެޗު އޮންނާނެ އެވެ.