އާމިރް ހާނަކީ "ޕާފެކްޝަނިސްޓެކޭ" ކިޔަނީ ސަބަބުތަކެއް ހުރެގެންނެވެ. އޭނާއަކީ ކުޅޭ ކޮންމެ ފިލްމަކަށް ވަރަށް ޑެޑިކޭޝަނާ އެކު މަސައްކަތް ކުރާ އެކްޓަރެވެ.
އާމިރްގެ ކުރިއަށް ފިލްމް "ޑަންގަލް" އަކީ އަނެއްކާ ވެސް އޭނާ ތަފާތު ގޮތަކަށް ފެނިގެން ދާނެ ފިލްމެކެވެ. މި ފިލްމަކީ އިންޑިއާގެ މަޝްހޫރު ރެސްލަރު މަހާވީރް ޕޯގަޓްގެ ހަޔާތުގެ މައްޗަށް ހަދާ ފިލްމެކެވެ.
ފިލްމުގައި މަހާވީރުގެ ރޯލް ކުޅެން އާމިރް ވަނީ އޭނާގެ ހަށިގަނޑަށް ހައިރާން ކުރުވަނިވި ބަދަލުތަކެއް ގެނެސްފަ އެވެ.
ފިލްމުގެ މަސައްކަތް މިދިޔަ އަހަރުގެ ނޮވެމްބަރު ހިސާބުގައި އޭނާ ފެށީ ބަރުދަން 98 ކިލޯ އަށް އިތުރުކޮށް، ވަަރަށް ފަލަކޮށް ހުރެގެންނެވެ. އެެއީ ފިލްމުގައި މަހާވީރްގެ ދުވަސްވީ ކެރެކްޓާއަށެވެ.
2 days to go before I shoot for young Mahaveer…. @avigowariker pic.twitter.com/RkdmQAV5c0
— Aamir Khan (@aamir_khan) June 13, 2016
އޭނާގެ ޒުވާން ރޯލަށް އާމިރް މިހާރު ވަނީ ބަރުދަން އަނެއްކާ ވެސް ލުއިކޮށް، ހަށިގަނޑު ވަަރަށް ބޮޑަށް ވަރުގަދަކޮށްފަ އެވެ.
އާމިރް ކުރިން ބުނި ގޮތުގައި މި ފަހަރު ބޭނުންވީ އިންޑިއާގެ ޒުވާން ރެސްލަރު ސުޝިލް ކުމާރްގެ ހަށިގަނޑު ކަހަލަ ހަށިގަނޑެެކެވެ. އެކަން އޭނާ އެ އޮތީ ހާސިލްކޮށްފަ އެވެ.
އާމިރްގެ ހަށިގަނޑު ފެނުނު ބަޔަކު މިހާރު ބުނާނީ ސުޝިލްގެ ހަށިގަނޑާއި އާމިރްގެ ހަށިގަނޑު މިހާރ ވަރަށް އެއްގޮތް ކަމަށެވެ.
މިހާރު އުމުރުން 51 އަހަރުގެ އާމިރް "ޑަންގަލް" އަށް ކޮށްފައިވާ ބުރަ މަސައްކަތް ބެލުންތެރިންނަށް ފެންނާނީ ފިލްމް ސްކްރީނަށް އައުމުންނެވެ.
ނިތޭޝް ތިވާރީ ޑައިރެކްޓް ކުރާ މި ފިލްމް ސިނަމާތަކަށް އަންނާނީ މި އަހަރުގެ ޑިސެމްބަރު މަހުގެ 16 ގަ އެވެ.