އަބަދަށް ޒުވާން އަނިލް ކަޕޫރަކީ ޒުވާން އެކްޓަރު އަރުޖުން ކަޕޫރުގެ ބޮޑު ބޭބެ އެވެ. މި ދެ މީހުން އެއް ފިލްމަކުން ބަލާލަން ކިހިނެއް ވާނެ ބާވަ އެވެ؟
އަރުޖުންގެ ބޮޑު ބޭގެ ރޯލް ސްކްރީނުގައި ވެސް އަނިލް ކަޕޫރު ކުޅޭ މަންޒަރު ބަލާލަން ބޭނުންވާ ފޭނުންނަށް މިއީ އުފާވެރި ހަބަރަަކަށް ވާނެ އެވެ.
ބޮލީވުޑްގެ އެންމެ ފަހުގެ ހަބަރުތައް ބުނާ ގޮތުން އަނިލް އާއި އަރުޖުން އެކުގައި ފެނިގެން ދާނީ އަނީސް ބަޒްމީ ޑައިރެކްޓް ކުރާ "މުބާރަކާ" އިންނެވެ.
މި ފިލްމަކީ ހޮލީވުޑްގެ މަޝްހޫރު ފިލްމް "ދަ ބިގް ފެޓް ގްރޫކް ވެޑިން" ކަހަލަ ހެއްވާ މަޖާ ކަންތައްގަނޑެއް ފެނިގެން ދާނެ ފިލްމެއް ކަަމަށްވެ އެވެ.
"މުބާރަކާ" ވެގެން ދާނީ އަރުޖުން އަނީސްގެ ފިލްމެއް ކުޅޭ ފުރަތަމަ ފަހަރަށެވެ. އެކަމަކު އަނިލް ވަނީ އަރުޖުންގެ ބައްޕަ އަދި އޭނާގެ ބޭބެ ބޮނީ ކަޕޫރު ޕްރޮޑިއުސްކޮށް، އަނީސް ޑައިރެކްޓް ކުރި "ނޯ އެންޓްރީ" ފަދަ ފިލްމްތައް ކުޅެފަ އެވެ.
އަނީސް އެންމެ ފަހުން ޑައިރެކްޓް ކުރި "ވެލްކަމް ބެކް" އިން ވެސް އަނިލް ފެނިފައިވެ އެވެ.
އަރުޖުން މި ވަގުތު މަސައްކަތް ކުރަމުން އަންނަނީ މޯހިތު ސޫރީގެ "ހާލް ގާލްފްރެންޑް" ގަ އެވެ.