ސައުވީސް ކެރަޓް ރަނާއި ޖަވާހިރު ވެސް ހިމެނޭ ގޮތަށް ދުބާއީގައި ދިރުޅޭ އިންޑިއާ އަށް ނިސްބަތްވާ މީހެއްގެ ކުންފުންޏަކުން ތައްޔާރު ކުރި ޓަޔަރު ސެޓެއް ހަ ލައްކަ ޑޮލަރައށް ވިއްކާލައިގެން ދުނިޔޭގެ ރެކޯޑް ފޮތުން ޖާގަ ހޯދައިފި އެވެ.
ކާރެއްގެ ހަތަރު ފުރޮޅުގެ ޓަަޔަރު ސެޓް ދުނިޔޭގެ ރެކޯޑް ފޮތުން ޖާގަ ހޯދީ މިހާތަނަށް ވިއްކާލި އެންމެ އަގު ބޮޑު ޓަޔަރު ސެޓްގުގެ ގޮތުގަ އެވެ.
މި ޓަޔަރު ސެޓް ޑިވެލޮޕްކޮށްފައި ވަނީ ދުބާއީގެ ޒީ ޓަޔާސްއިންނެވެ. އަދި ފަރުމާ ކުރުމުގައި އިޓަލީގެ ފަންނުވެރިންގެ އެހީ ވެސް ހޯދާފައިވެ އެވެ.
އެންމެ އަގު ބޮޑު ޓަޔަރު ސެޓް ވިއްކާލައިފައި ވަނީ ދުބާއީގައި ބޭއްވި ރެެއިފެން ފެއާގަ އެވެ. ފެއާގައި ޓަޔަރު ސެޓް ވިއްކާލީ 2.2 ދިރްހަމް ނުވަތަ 600،000 ޑޮލަރަށެވެ.
ޓަޔަރު ސެޓް ވިއްކާލައިގެން ލިބުނު ފައިސާ ޒީ ޓަޔާސްގެ ދަށުން ހިންގާ ޒެނެސިސް ފައުންޑޭޝަނަށް ހަދިޔާ ކުރަން ވަނީ ނިންމައިފަ އެވެ.
ޒެނެސިސްއަކީ ދުނިޔޭގެ ކަންކޮޅުތަކުގައި ތައުލީމް ކުރިއަރުވަން އެހީވެދޭ ފައުންޑޭޝަނެކެވެ.
އެ ކުންފުނީގެ ސީއީއޯ އަދި ފައުންޑާ ހަރްޖީވް ކަންދާރީ ބުނީ އޭނާގެ މުއައްޒަފުން އަބަދު ވެސް މަސައްކަތް ކުރަނީ ތަފާތު ގޮތްގޮތަށް ހުނަރު ދައްކާލައި ކާމިޔާބީތަކެއް ހޯދުން ކަމަށެވެ.
"ރަނާއި ޖަވާހިރު އެލެވޭ ޓަޔަރު ސެޓަކީ ވެސް މި ވިސްނުމުގެ ތެރެއިން ވުޖޫދަށް ގެނައި އުފެއްދުމެއް،" އޭނާ ބުންޏެވެ.