ދުންފަތުގެ އިސްތިއުމާ ކުރުމަކީ ސިއްހީ ގޮތުން ގެއްލުން ހުރި ކަމެއްކަން އެންމެންނަށް ވެސް އެނގެ އެވެ.
ފަހުގެ ދިރާސާއަކުން މިހާރު ހާމަވެފައިވާ ގޮތުގައި ފިރިހެނުން ދުންފަތުގެ އިސްތިއުމާލު ކުރާ ނަމަ، ދަރިފަނި ހަލާކުވެ، ދަރިން ނުލިބުމުގެ މައްސަލަ އާ ކުރިމަތިލާން ޖެހިދާނެ އެވެ.
އެ ދިރާސާ ބުނާ ގޮތުގައި އާންމުކޮށް ސިނގިރޭޓް ބޯ ފިރިހެނުންގެ ދަރިފަނީގެ ކޮލިޓީ ދަށްވެ، ދަރިފަނީގެ ޑީއެންއޭ ވެސް ހަލާލުކޮށްލަ އެވެ.
ހަމަ މިއާ އެކު ދުންފަތުގެ އިސްތިއުމާލު ކުރާ ފިރިހެނުންނަށް ލިބޭ ދަރިންގެ ކިބައިގައި ސިއްހީ މައްސަލަތައް ބޮޑުކަން ފާހަގަ ކުރެވެ އެވެ.
އެހެންވެ ފިރިހެނުން ދުންފަތާ ދުރުވުމަކީ ވަރަށް މުހިއްމު ކަމެކެވެ.
ދިރާސާގައި މަސައްކަތް ކުރެއްވި ޑރ. ރިކާޑޯ ޕިމެންޓާ ބާޓޮއްލާ ވިދާޅުވީ ދުންފަތުގެ އިސްތިއުމާލު ކުރާ ފިރިހެނުންގެ ދަރިފަނީގެ ކޮލީ ދަށްވާކަން ދިރާސާ އިން ހާމަވެފައިވާތީ މިކަމާ ގުޅޭ އިތުރު ތަހުލީލުތަކެއް ކުރަން ނިންމާފައިވާ ކަމަށެވެ.