ބޮރޫޝިޔާ ޑޯޓްމަންޑުގެ މިޑްފީލްޑަރް ހެންރިޚް މްހިތާރިޔާން މެންޗެސްޓާ ޔުނައިޓެޑާ ގުޅިއްޖެކަން ބޮރޫޝިޔާ ޑޯޓްމަންޑުން ކަށަވަރުކޮށް ދީފި އެވެ.
ޕީއެސްޖީގެ ފޯވާޑް އިބްރަހިމޮވިޗް ޔުނައިޓެޑާއި ގުޅޭނެ ކަން އިއުލާންކުރިތާ 48 ގަޑިއިރުވެސް ނުވަނީސް ބޮރޫޝިޔާ ޑޯޓުމަންޑުން އާރމޭނިޔާގެ މިޑްފީލްޑަރު ޔުނައިޓެޑާއި ގުޅޭނެކަން ކަށަވަރުކޮށްދީފައިވަނީ އެޓީމުގެ އޮފިޝަލް ފޭސްބުކް ޕޭޖުގައި ކުރި ޕޯސްޓެއްގައެވެ.
ބޮރޫޝިޔާ ޑޯޓްމަންޑުން ކުޅުންތެރިޔާ ނުފޮނުވުމަށް މަސައްކަތް ކުރި ނަމަވެސް ޔުނައިޓެޑުން ވަނީ ރަނގަޅު ހުށަހެޅުމެއް ހުށައަޅާފައި ކަމަށާއި ކުޅުންތެރިޔާވެސް ހުރީ އިނގިރޭސި ގަދަ ބާރާއި ގުޅެން ކަމަށްވެސް ބޮރޫޝިޔާ ޑޯޓްމަންޑުން ކުރި ޕޯސްޓުގައި ބުނެފައިވެއެވެ.
މްޚްތަރިޔަން އަކީ މެންޗެސްޓާ ޔުނައިޓެޑާއި އާ ކޯޗު މޮރީނިއޯ ހަވާލު ވީ ފަހުން ގުޅުނު ތިންވަނަ ކުޅުންތެރިޔާއެވެ. ވިލަރެއާލްގެ އެރިކް ބެއިލީ އާއި ޕީއެސްޖީގެ ޒްލަޓާން އިބްރަހިމޮވިޗް ވަނީ މޮރީނިއޯގެ މެންޗެސްޓާ ޔުނައިޓެޑާއި ގުޅިފައެވެ.
ޒުވާން ދުވަސްވަރު ޔުނައިޓެޑަށް ކުޅެފައިވާ ފްރާންސް އަދި ޔުވެންޓަސްގެ ތަރި ޕައުލް ޕޮގްބާވެސް އަންނަ ސީޒަނުގައި ފެނުން އެންމެ ގާތީ މެންޗެސްޓާ ޔުނައިޓެޑުން ކަމަށް ގިނަ ބަޔަކު އަންނަނީ ޚަބަރު ފަތުރަމުންނެވެ.