ހިތަދޫ ސަރަހައްދީ ބަނދަރަށް އަންނަ ބޯޓްފަހަރުން ކޮންޓްރެކްޓް އުސޫލުން އެއް އަހަރު ދުވަހުގެ މުއްދަތަށް މުދާ އަރުވައި ބާލައި ދޭނެ ފަރާތެއް ބޭނުންވާ ކަމަށް ހިތަދޫ ޕޯޓް ލިމިޓެޑް (އެޗްޕީއެލް) އިން ބުނެފި އެވެ.
އެ ކުންފުނިން ބުނީ ސަބް ކޮންޓްރެކްޓަރެއްގެ ގޮތުން މި މަސައްކަަތަށް ޝައުގުވެރިވާ ފަރާތްތަކަށް ކުރިމަތިލުމުގެ ފުރުސަތު މި މަހުގެ 14 ވަނަ ދުވަހާ ހަމައަށް ހުޅުވާލައިފައިވާ ކަމަށެވެ.
މިކަމާ ބެހޭ ގޮތުން މައުލޫމާތު ދިނުން މި މަހުގެ 11 ވަނަ ދުވަހު އާރްއޭއެފް ސަރަހައްދުގައި ހުންނަ އެޗްޕީއެލް އޮފީހުގައި އޮންނާނެ އެވެ.
މައުލޫމާތު ދިނުން އޮންނާނީ މެންދުރު ފަހު 1:30 ގަ އެވެ.
މޯލްޑިވްސް ޕޯޓްސް ލިމިޓެޑް (އެމްޕީއެލް) ގެ ދަށުން ހިނގަމުން އަންނަ އެޗްޕީއެލުން ބުނީ އިތުރު މައުލޫމާތު ބޭނުން ނަމަ 6888546 އަދި 6888558 ގުޅުމުން ލިބޭނެ ކަމަށެވެ.