ވިކްރަމް ބަޓްގެ ކާމިޔާބު ބިރުވެރި ފްރެންޗައިޒް "ރާޒް" ގެ ހަތަރު ވަނަ ފިލްމް "ރާޒް: ރީބޫޓް" ސެޕްޓެމްބަރު މަހުގެ 16 ގައި ރިލީޒް ކުރާ ގޮތަށް ނިންމައި، ފިލްމުގެ ފުރަތަމަ ޓީޒާ ދައްކާލައިފި އެވެ.
ފިލްމުގެ ފުރަތަަ ޕޯސްޓަރު ވެސް މިހާރު ވަނީ ބެލުންތެރިންނަށް ދައްކާލައިފަ އެވެ.
ޓީ ސީރީޒާއި ވިޝޭޝް ފިލްމްސް ގުޅިގެން ޕްރޮޑިއުސްކޮށްފައިވާ "ރާޒް: ރީބޫޓް" ގެ ތަރިންނަކީ މި ފްރެންޗައިޒްގެ ދެ ފިލްމެއް މިހާތަނަށް ކުޅެފައިވާ އޮމްރާމް ހާޝިމީ އާއި ބޮލިވުޑަށް އަލަށް ތައާރަފުވާ ސައުތު ފިލްމް އިންޑަސްޓްރީގެ ބަތަލާ ކިރިތީ ކަރްބަންދާގެ އިތުރުން ގޯރަވް އަރޯރާ އެވެ.
އޭނާއަކީ ވިކްރަމް އެންމެ ފަހުން ގެނެސް ދިން "ލަވް ގޭމްސް" އިން ތައާރަފުވި އެކްޓަރެކެވެ.
އިމްރާން ވަނީ 2013 ގައި ރިލީޒް ކުރި "ރާޒް 3ޑީ" އާއި 2009 ގައި ރިލީޒް ކުރި "ރާޒް ދަ މިސްޓްރީ ކޮންޓިނިއުސް" ގައި ވެސް މަސައްކަތްކޮށްފަ އެވެ.
"ރާޒް: ރީބޫޓް" ލިޔެ ޑައިރެކްޓްކޮށްފައި ވަނީ ވިކްރަމް ބަޓެވެ.