"ހީރޯޕަންޓީ" އިން ބޮލީވުޑަށް ނިކުތް ޓައިގާ ޝްރޮފް އޭނާގެ ތިން ފިލްްމް ރިލީޒް ކުރަން ތައްޔާރުވެއްޖެ އެވެ.
ބޮކްސް އޮފީހުގައި ބޮޑު ކާމިޔާބީއެއް ހޯދި "ބާގީ" އަށް ފަހު އޭނާ ފެނިގެންދާ ތިން ވަނަ ފިލްމަކީ "ފްލައިން ޖަޓް" އެވެ.
ފިލްމުގެ ފުރަތަމަ ޓީޒާ މިހާރު ވަނީ ބެލުންތެރިންނަށް ދޫކޮށްލައިފަ އެވެ.
ރެމޯ ޑި ސޫޒާ ޑައިރެކްޓްކޮށްފައިވާ ފިލްމުގައި ޒުވާން އެކްޓަރު ފެނިގެން ދާނީ ޕަންޖާބީ ސްޕަހީރޯއެއްގެ ރޯލުންނެވެ.
އޭނާ އާ އެކު ފިލްމުގެ ބަތަލާއެއްގެ ގޮތުގައި ފެނިގެން ދާނީ ޖެކޮލިން ފެނާންޑޭޒެވެ.
އަދި "ފްލައިން ޖަޓް" ގެ ވިލަންގެ ރޯލުން ހޮލީވުޑްގެ އެކްޓަރު ނަތަން ޖޯންސް ފެނިގެން ދާނެ އެވެ.
އަންނަ މަހުގެ 25 ގައި ރިލީޒް ކުރަން ހަމަޖެހިފައިވާ "ފްލައިން ޖަޓް" ޕްރޮޑިއުސްކޮށްފައި ވަނީ އެކްތާ ކަޕޫރުގެ ބަލާޖީ މޯޝަން ފިކްޗާސްއިންނެވެ.
މިއީ "އޭބީސީޑީ 2" އަށް ފަހު ރެމޯ ޑައިރެކްޓްކޮށްފައިވާ ފުރަަތަމަ ފިލްމެވެ.