ރައްޓެހިވެގެން އުޅޭ ކަމަށް މިހާތަނަށް ރަސްމީކޮށް އެއްބަސް ނުވި ނަމަވެސް، ދީޕިކާ ޕަދްކޯން އާއި ރަންވީރު ސިންގް އާ ދެމެދު ވަރަށް ހާއްސަ އަދި ގާތް ގުޅުމެއް އޮންނަކަން މިހާރު އެންމެންނަށް ވެސް އެނގެ އެވެ.
ބޮލީވުޑްގެ އެންމެ ފަހުގެ ހަބަރުތައް ބުނާ ގޮތުން ޒުވާން މި ދެ ތަރިން މިހާރު ވަނީ އެންގޭޖް ވެސް ވެފަ އެވެ. އަދި އަންނަ އަހަރު ކައިވެނި ކުރަން ވަނި ނިންމައިފަ އެވެ.
މިކަމާ ގުޅޭ ގޮތުން ދެ ފަރާތުގެ އާއިލާ އިން މިހާރު މަޝްވަރާތައް ވެސް ކުރަމުން އަންނަ ކަމަށްވެ އެވެ.
ރިޕޯޓްތައް ބުނާ ގޮތުން ދީޕިކާ އާއި ރަންވީރު އެ މީހުންގެ އާއިލާގެ މެމްބަރުންނާ އެކު އޮސްޓްރިއާގައި ވަރަށް އަވަހަށް ބައްދަލުވުމަކަަށް ވެސް ދާން ވަނީ ނިންމައިފަ އެވެ.
އަދި މިއީ ކައިވެނީގެ ތައްޔާރީތަކާ ބެހޭ ގޮތުން ވާހަކަ ދައްކަން ބާއްވާ ސިއްރު ބައްދަލުވުމެއް ކަމަށްވެ އެވެ.
ރަންވީރާ ރައްޓެހިވުމުގެ ކުރިން ދީޕިކާ ޕަދްކޯން ރަންބީރު ކަޕޫރާ އެކު ވަރަށް ސީރިއަސް ލޯބީގެ ގުުޅުމެއް ބޭއްވި އެވެ. އަދި ދީޕިކާ ހިތާވުމުގެ ކުރިން ރަންވީރު ބަތަލާ އަނުޝްކާ ޝަރްމާ އާ ވެސް ރައްޓެހިވި އެވެ.
ރަންވީރް ދާދި ފަހުން ބުނި ގޮތުގައި ދީޕިކާއަކީ އޭނާގެ ހަޔާތުގެ ވަރަށް މުހިއްމު ބައެކެވެ. އަދި ދީޕިކާ ވެސް އެ މޭރުމުން ވާހަަކަ ދައްކާފައިވެ އެވެ.
މި ދެ ތަރިން މިހާތަނަަށް އެކުގައި ދެ ފިލްމް ވެސް ކުޅެފައިވެ އެވެ.
އެއީ ސަންޖޭ ލީލާ ބަންސާލީގެ "ރާމް ލީލާ" އާއި "ބަޖިރާއޯ މަސްތާނީ" އެވެ.