އިސްލާމިކް ސްޓޭޓުގެ ނަމުގައި ހިންގަމުން އަންނަ ހަނގުރާމަވެރި ހައްދުފަހަނަޅާފައިވާ ޖަމާއަތުގެ އިސް ކޮމާންޑަރެއް ކަމަށްވާ އޮމަރް ޝިޝާނީ މަރުވެފައިވާކަން އެ ޖަމާއަތާ ގުޅޭ ޚަބަރު ފަތުރާ ވަސީލާތަކުން ކަށަވަރުކޮށްފިއެވެ.
އަމަޤް ނިއުސް ނަމަކަށްކިޔާ މި ނޫހުން ވަނީ އޮމަރް ޝިޝާނީ މަރުވެފައިވަނީ މިދިޔަ މާޗުގައި ކަމަށާއި އޭނާ މަރުވެފައިވަނީ ހަނގުރާމައިގެ މައިދާނުގައި އެމެރިކާގެ ސިފައިންގެ ވައިގެ ހަމަލާއަކުންނެވެ.
އިރާޤުގެ ޝަދީދީ ނަމަކަށް ކިޔާ އަވަށެއްގައި އައިއެސްގެ ހަނގުރާމަވެރިން ގޮވައިގެން އެމީހުންގެ ކޮމާންޑަރަކަށް ހުރީ ޝިޝާނީއެވެ. އޭނާ މަރާލެވިފައިވަނީ އެއަވަށުގައި ކަމަށް ބެލެވެއެވެ.
އަމަޤް އިން ވަނީ ޝިޝާނީ އަކީ އައިއެސްގެ އިސް އޮފިސަރެއް ކަމަށާއި އޭނާ ހަނގުރާމައިގައި މަރުވެފައިވާކަން އެމީހުންގެ ވެބްސައިޓުގައި ކަށަވަރުކޮށްފައެވެ.
އަމަޤް އަކީ އިސްލާމިކް ސްޓޭޓް އިން ޚަބަރު ދީ ގާތް ގުޅުމެއް ބާއްވަމުން އަންނަ ނޫހެއް ކަން ބީބީސީ އިން ވަނީ ރިޕޯޓުކޮށްފައެވެ.
ޝިޝާނީ މަރުވުމުގެ ކުރިން އެމެރިކާ އިން ވަނީ 5 މިލިޔަން އެމެރިކާ ޑޮލަރުގެ އިނާމެއް އޭނާ މަރާލި މީހަކަށް ހުށައަޅާފައެވެ.