މިރޭ ކާނިވާ ސަރަހައްދުގައި އިދިކޮޅު އިއްތުހާދުން ބާއްވަން ނިންމި ޖަލްސާ މޫސުމް ގޯސްވުމުގެ ސަބަބުން ފަސްކޮށްފިއެވެ.
ހައުސިން މިނިސްޓްރީން ޖަލްސާ ބޭއްވުމަށް އެމްޑީޕީއަށް ހުއްދަ ދިނުމަށްފަހު ފަހުން ވަނީ ހުއްދަ ބާޠިލް ކޮށްފައެވެ. ނަމަވެސް އިދިކޮޅު އިއްތިހާދުން ވަނީ އެ ސަރަހައްދުގައި ގޮޑި ޖަހައި ޖަލްސާއަށް ތައްޔާރުވެފައެވެ.
އިއްތިހާދުގެ ފަރާތުން ޖަލްސާއަށް ތައްޔާރުވަމުން ދަނިކޮށް ފުލުހުން ވަނީ އެތަނަށް ލިޔުން ހިފައިގެން ގޮސް ޖަލްސާ ނުބޭއްވުމަށް އެދިފައެވެ.
އިދިކޮޅު އިއްތިހާދުން ބުނީ މޫސުމް ރަނގަޅުވިހާ އަވަހަކަށް ޖަލްސާ ބާއްވާނެ ތަނަކާއި ދުވަހެއް އަންގާނެ ކަމަށެވެ.
ހައުސިން މިނިސްޓަރ މުއިއްޒު ވިދާޅުވީ އިދިކޮޅު އިއްތިހާދަކީ "އައިރު ގާނޫނީ" ޖަމާއަތެއް ކަމަށެވެ.
\