މެންޗެސްޓާ ޔުނައިޓެޑުގެ އާ ކޯޗު ޖޯސޭ މޮރީނިއޯ އޭނާގެ ކުލަބާ ހަވާލުވުމަށް ފަހު ކުޅުނު ފުރަތަމަ މެޗު ކާމިޔާބުކޮށްފިއެވެ.
އަންނަ ސީޒަނަށް ތައްޔާރުވުމުގެ ގޮތުން ކުޅުނު އެކުވެރިކަމުގެ މެޗެއްގައި ރަށުން ބޭރުގައި ވިގަން އެތްލެޓިކް ބަލިކޮށްފައިވަނީ 0-2 ގެ ނަތީޖާއަކުންނެވެ.
ތ
ސީނިޔާ ޓީމުގެ ގިނަ ކުޅުންތެރިން ޔޫރޯ އަށް ފަހު އަރާމު ކުރުމަށް ޗުއްޓީ ދީފައިވާއިރު މިއަދުގެ މެޗުގައި ކުޅުނީ ގިނައިން 21 އަހަރުން ދަށުގެ ޓީމުގެ ކުޅުންތެރިންނާއެކުއެވެ.
މެޗުގެ ދެ ގޯލުވެސް ޖަހާފައިވަނީ ދެވަނަ ހާފުގައެވެ. ފުރަތަމަ ގޯލު 49 ވަނަ މިނެޓުގައި ޖަހާފައިވަނީ ވިލް ކީންއެވެ. ދެވަނަ ގޯލު އޭރިޔާ ތެރެއިން ގޯލުގެ ކަނަށް ފޮނުވާލާފައިވަނީ ޕެރެއިރާއެވެ.
މެޗުގައި އަލަށް ޓީމާ ގުޅުނު ބެއިލީ އަދި މިޚިތަރިޔަން ވަނީ ރަނގަޅު ކުޅުމެއް ދައްކާފައެވެ. އިބްރަހިމޮވިޗް އަށް ވަނީ ޔޫރޯ އަށް ފަހު އަރާމު ކުރުމަށް ޗުއްޓީއެއް ދީފައެވެ.
މިދިޔަ ސީޒަނުގެ ކުރީކޮޅު ފައި ބިނދިގެން އަނިޔާގައި ހުރި ލޫކް ޝޯ ވަނީ މިއަދުގެ މެޗުގެ ފުރަތަމަ އެގާރައިގައި ހިމަނާފައެވެ.
މެޗުގެ ކުރިން ދިން އިންޓަވިއުގައި މޮރީނިއޯ ބުނެފައިވަނީ ހުރިހާ ކުޅުންތެރިންނާ އެކުގައި މަސައްކަތް ކުރުމަށް އޭނާ ހުރީ ކެތް މަދުވެފައިކަމަށެވެ.
މެޗަށް ފަހު މޮރީނިއޯ މީޑިޔާ އަށް ދިން އިންޓަވިއުގައި މެންޗެސްޓާ ޔުނައިޓެޑްގެ ސަޕޯޓަރުންނަށް ވަރަށް ބޮޑަށް ތައުރީފުކޮށްފައެވެ.