އަފްޣާނިސްތާނުގެ ކާބުލްގައި ކުރި މުޒާހަރާއެއްގެ ތެރެއަށް ޖާނުން ފިދާވުމުގެ ހަމަލާއެއްގައި 29 މީހަކު މަރުވެ 170 މީހަކު ޒަޚަމް ވެއްޖެއެވެ.
އަފްޣާން ހަޒާރާ ގްރޫޕުން ބޭއްވި ސުލްހަވެރި މުޒާހަރާއެއްގައި ދެ ހާހަށް ވުރެ ގިނަ މީހުން ވަނީ ބައިވެރިވެފައެވެ.
ޚަބަރު ލިބޭ ގޮތުން ގޮއްވާލާފައިވަނީ މުޒާހަރާގެ ބައިވެރިންގެ އެއްވުން ނިމެން ގާތްގަނޑަކަށް 8 މިނެޓުވެފައިވަނިކޮށެވެ. އަނިޔާވި މީހުންނަށް ފަރުވާ ދިނުމަށް އެމްބިއުލާންސް އެތަނަށް ވަންނަން އުޅުމުން މުޒާހަރާގެ ބައިވެރިން ހުއްޓުވުމަށް ސަރުކާރުގެ ފަރާތުން ޖަހާފައިވާ ބެރިކޭޑު ތަކާ ހެދީ އެމްބިއުލާންސަށް އެސަރަހައްދަށް ނުވަދެވުނެވެ.
އަލް ޖަޒީރާއަށް މައުލޫމާތު ދިން މީހަކު ބުނެފައިވަނީ ސަރުކާރަށް އިއްޔެގެ ވަގުތެއްގައި ބަޔަކު ބޮމެއް ގޮއްވާނެ ކަމުގެ އިންޒާރު ދީފައިވެއެވެ. ނަމަވެސް ސަރުކާރުގެ އެއްވެސް ފަރާތަކުން އެކަން ކަޝަވަރުކޮށްދީފައެއް ނުވެއެވެ.
ހަނގުރާމަވެރި އެއްވެސް ޖަމާއަތަކުން އަދި މިހަމަލާގެ ޒިންމާ ނަގާފައިނުވާއިރު ގިނަ ބަޔަކު ތުހުމަތު ކުރަނީ ތާލިބާނުގެ ހަމަލާއެއް ކަމުގައެވެ.
ދުނިޔޭގެ އެކި ކަންކޮޅުތަކުގައި ޓެރަރިސްޓު ހަމަލާތައް އިތުރުވަމުންދާއިރު އިއްޔެ ޖަރުމަނުވިލާތުގައި ވަނީ ބަޑި ޖަހައި 9 މީހަކު މަރާލާފައެވެ.